ନନ୍ଦିଘୋଷ ବ୍ୟୁରୋ : ପୁରୀରେ ହୋଇଥିବା ଯୁବ ଓ ଛାତ୍ର ବିଜେଡିର ଜନଜାଗରଣରେ ବିଜେପି ସରକାର ଉପରେ ବର୍ଷିଛନ୍ତି ବିରୋଧୀ ଦଳ ନେତା ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ। ସେ କହିଛନ୍ତି, ବିଜେଡି ସରକାରର ସବୁ ଭଲ ଯୋଜନାକୁ ବନ୍ଦ କରିଦେଇଛି ବିଜେପି। ଲକ୍ଷ୍ମୀ ବସରେ ମାତ୍ର ୫ ଟଙ୍କାର ସ୍କୁଲ କଲେଜ ଯାଉଥିଲେ ପିଲାମାନେ। ତାକୁ ବନ୍ଦ କରିଦେଇଛି ବିଜେପି। ମିଶନ ଶକ୍ତିକୁ ଦୁର୍ବଳ କରିବାକୁ ଷଡ଼ଯନ୍ତ୍ର କରାଯାଉଛି। ମହିଳାଙ୍କ ଉପରେ ବଢ଼ିଛି ଅତ୍ୟାଚାର। ଝାଡ଼ାବାନ୍ତି ଓ ହଇଜାରେ ଲୋକେ ହିନସ୍ତା ହେଉଛନ୍ତି।
ଆୟୁଷ୍ମାନ କାର୍ଡ ଧରି ରୋଗୀମାନେ ହସପିଟାଲରୁ ଫେରୁଛନ୍ତି। ରାଜ୍ୟର ଅର୍ଥନୀତି ତଳମୁହାହିଁ। ନୂଆ ଓ ଛାତ୍ରବୃତ୍ତିକୁ ବନ୍ଦ କରିଦେଲେ। ଅପରାଧ ମଧ୍ୟ ବଢ଼ିଛି। ବିଜେପିର ଏହି ସବୁ ବିଫଳତାକୁ ଲୋକଙ୍କ ସାମ୍ନାକୁ ଆଣିବା ପାଇଁ ଯୁବ ଓ ଛାତ୍ର ବିଜେଡିକୁ ଆହ୍ବାନ ଦେଇଛନ୍ତି ନବୀନ ପଟ୍ଟନାୟକ। ସେ କହିଛନ୍ତି ସୋସିଆଲ ମିଡିଆରେ ଏସବୁ କଥା ଉଠାନ୍ତୁ। ଲୋକେ ସତ ଜାଣିବା ଦରକାର। ଯୁବ ସମାଜ ସତ୍ୟର ସାରଥୀ ହୋଇ ମିଛର କାଉଣ୍ଟର କରନ୍ତୁ। ବିଜେପିର ମିଛ ପ୍ରଚାର ବିରୋଧରେ ଏହି ଜନଜାଗରଣ ଅଭିଯାନ ବୋଲି କହିଛନ୍ତି ନବୀନ ପଟ୍ଟନାୟକ ।
