ଆଜି ଉତକ୍ଷେପଣ ହେବ ନାସା ଓ ଇସ୍ରୋର ସାଟେଲାଇଟ
1 min read
ନନ୍ଦିଘୋଷ ବ୍ୟୁରୋ : ଆଜି ଉତକ୍ଷେପଣ ହେବ ଆମେରିକା ମହାକାଶ ଗବେଷଣା ସଂସ୍ଥା- ନାସା ଓ ଭାରତୀୟ ମହାକାଶ ଗବେଷଣା ସଂସ୍ଥା- ଇସ୍ରୋ ପକ୍ଷରୁ ଆର୍ଥ ମନିଟରିଂ ସାଟେଲାଇଟ। ଏହି ହେବ ନାସା ଓ ଇସ୍ରୋର ମିଳିତ ସାଟେଲାଇଟ ମିଶନ, ଯାହାର ନାମ ରହିଛି ନିସାର। ସତୀଶ ଧାବନ ମହାକାଶ କେନ୍ଦ୍ରରୁ ଏହି ସାଟେଲାଇଟ ଉତକ୍ଷେପଣ ହେବ। ଏହି ପ୍ରକଳ୍ପର ମୋଟ ଖର୍ଚ୍ଚ ପରିମାଣ ରହିଛି ୧ ଦଶମିକ ୫ ବିଲିୟନ ଡଲାର। ଏହି ସାଟେଲାଇଟର ଓଜନ ୩ ଟନ ହୋଇଥିବାବେଳେ ଏହାର ରହିଛି ୧୨ ମିଟର ରାଡାର ଆଣ୍ଟେନା। ଏହା ଜରିଆରେ ଭୂପୃଷ୍ଠରେ ଘଟୁଥିବା ପରିବର୍ତ୍ତନ ଅବଲୋକନ କରାଯାଇପାରିବ। ଏହି ସାଟେଲାଇଟ ଜରିଆରେ ରାଡାର ସିଗନାଲ ପଠାଯାଇପାରିବ। ଉଭୟ ରାତି ଓ ଦିନରେ ଏହି ସାଟେଲାଇଟ ଇମେଜ ପଠାଇପାରିବ। ପ୍ରତି ୧୨ ଦିନରେ ଦୁଇଥର ଇମେଜ ଆସିପାରିବ।
