ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରୁ ମହିଳାଙ୍କ ଫେରିବା ବିଳମ୍ବ ହେବାରୁ ନିର୍ବାହୀ ଅଧିକାରୀଙ୍କୁ ମାଡ଼

ନନ୍ଦିଘୋଷ ବ୍ୟୁରୋ: ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଯୋଗ ଦେଇ ମହିଳା ସଦସ୍ୟ ଡେରିରେ ଫେରିବାରୁ ନିର୍ବାହୀ ଅଧିକାରୀଙ୍କୁ ମାଡ଼ । ଘଟଣା ଘଟିଛି ସୁବର୍ଣ୍ଣପୁର ବୀରମହାରାଜପୁର ଅଞ୍ଚଳରେ । ଏନେଇ ଥାନାରେ ମାମଲା ରୁଜୁ ହୋଇଛି ।

ଗତ ୭ ତାରିଖରେ ମୁଖୃମନ୍ତ୍ରୀ ମୋହନ ଚରଣ ମାଝୀ ସୁବର୍ଣ୍ଣପୁର ଜିଲ୍ଲା ଗସ୍ତରେ ଯାଇଥିଲେ । କାର୍ଯ୍ୟକ୍ରମରେ ଯୋଗ ଦେବାକୁ ବିଭିନ୍ନ ଅଞ୍ଚଳରୁ ସାଧାରଣ ଲୋକ, ବିଭିନ୍ନ ସ୍ଵଂୟ ସହାୟକ ଗୋଷ୍ଠୀର ମହିଳା ଆସିଥିଲେ । ମୂର୍ଶୁଣ୍ଢି ପଞ୍ଚାୟତର ମାଣିକପୁର ଗାଁରୁ କିଛି ମହିଳା ଗୋଷ୍ଠୀର ସଦସ୍ୟକୁ ନେଇ ମୁଖ୍ୟମନ୍ତ୍ରୀଙ୍କ ସଭାକୁ ଯାଇଥିଲେ । ସେମାନେ ବିଳମ୍ବରେ ଫେରିବାରୁ କିଛି ମହିଳାଙ୍କ ସ୍ବାମୀ ଦାୟିତ୍ୱରେ ଥିବା ନିର୍ବାହୀ ଅଧିକାରୀଙ୍କୁ ମାଡ ମାରିଥିବା ଅଭିଯୋଗ ହୋଇଛି । ଟ୍ରାଫିକ ସମସ୍ୟା ଯୋଗୁଁ ଫେରିବାରେ ବିଳମ୍ୱ ହୋଇଥିବା କହିଛନ୍ତି ପିଇଓ । ଅନ୍ୟପଟେ ସଂପୃକ୍ତ ପିଇଓ ମହିଳାଙ୍କୁ ଦୁର୍ବ୍ୟବହାର କରିଥିବା ନେଇ ଲିଖିତ ଅଭିଯୋଗ ହୋଇଥିଲେ ବି ପୋଲିସ ଏତଲା ରଖୁ ନଥିବା ଅଭିଯୋଗ ହୋଇଛି ।