ନନ୍ଦିଘୋଷ ବ୍ୟୁରୋ: ବର୍ଷ ପୂର୍ତ୍ତିରେ ବିଜେପିରେ ବିସ୍ଫୋରଣ। ଜୟନାରାୟଣ ମିଶ୍ରଙ୍କ ବିସ୍ଫୋରକ ବୟାନ। ବିଜେପି ପ୍ରାର୍ଥୀ ଚୟନରେ ଭୁଲ୍ ହୋଇଥିଲା ବୋଲି କହିଛନ୍ତି ଜୟ ନାରାୟଣ। ସେ କହିଛନ୍ତି ଯେ, ଏକଥା ବାରମ୍ବାର କହିଛି, ହେଲେ କେହି ଶୁଣୁନାହାନ୍ତି। ଯେଉଁଥି ପାଇଁ ୩ଜଣ ସ୍ଵାଧୀନ ପ୍ରାର୍ଥୀ ଜିତିଛନ୍ତି। ସେହିପରି ମନ୍ତ୍ରିମଣ୍ଡଳ ସଂପ୍ରସାରଣ କାହିଁକି ହୋଇପାରୁନି ତାହା ମୁଖ୍ୟମନ୍ତ୍ରୀଙ୍କୁ ଜଣା। ଏ ସମ୍ପର୍କରେ ମୁଖିଆ ଉତ୍ତର ଦେଇପାରିବେ ବୋଲି କହିଛନ୍ତି ଜୟ ନାରାୟଣ। କେବେ ସଭାପତି ଚୟନ ହେବେ ତାହା ମଧ୍ୟ ମୁଖ୍ୟମନ୍ତ୍ରୀଙ୍କୁ ଜଣା ବୋଲି କହିଛନ୍ତି ଜୟ ନାରାୟଣ। ଜୟନାରାୟଣଙ୍କ ମନ୍ତବ୍ୟରେ ଜବାବ ରଖିଛନ୍ତି ଇରାଶିଷ। ପ୍ରାର୍ଥୀ ଚୟନରେ ଭୁଲ୍ ହୋଇନାହିଁ ବୋଲି କହିଛନ୍ତି ଇରାଶିଷ। ଦଳ ଠିକ ଦିଗରେ ଚାଲିଛି। ଅନ୍ୟପଟେ ଏନେଇ ମଧ୍ୟ ପ୍ରତିକ୍ରିୟା ରଖିଛନ୍ତି ବିଧାୟକ ପ୍ରକାଶ ସୋରେନ। ବର୍ଷ ପୂର୍ତ୍ତି ପରେ ମନ୍ତ୍ରିମଣ୍ଡଳ ସଂପ୍ରସାରଣ ହେବ ବୋଲି ଶୁଣୁଛୁ ବୋଲି ସେ କହିଛନ୍ତି।
