ସେବାଶ୍ରମରେ ରାତିରେ ଖାଦ୍ୟ ଖାଇଲା ପରେ ୨୮ଜଣ ଛାତ୍ରୀ ଅସୁସ୍ଥ

ବରପାଲି: ସେବାଶ୍ରମର ୨୮ଜଣ ଛାତ୍ରୀ ଅସୁସ୍ଥ । ବରଗଡ଼ ଜିଲ୍ଲା ବରପାଲି ବ୍ଲକ୍‌ କାଇଁସିର ବାଳିକା ସେବାଶ୍ରମର ୨୮ ଜଣ ଛାତ୍ରୀ ଅସୁସ୍ଥ ହୋଇପଡ଼ିଛନ୍ତି । ସେମାନଙ୍କୁ ବରପାଲି ହସ୍ପିଟାଲରେ ଭର୍ତ୍ତି କରାଯାଇଛି ।

ରାତିରେ ଖାଇବା ପରେ ଛାତ୍ରୀମାନେ ଅସୁସ୍ଥ ହୋଇପଡ଼ିଥିଲେ । ଝାଡ଼ାବାନ୍ତି ହେବାରୁ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ସ୍ୱାସ୍ଥ୍ୟାବସ୍ଥା ଧୀରେଧୀରେ ସୁଧୁରୁଥିବା ଡାକ୍ତର କହିଛନ୍ତି ।