ମଦ ପିଇ ଗଡୁଥିବା ଭିଡ଼ିଓ ଭାଇରାଲ ହେବା ପରେ ପୋଲିସ ଏସଆଇ ନିଲମ୍ବିତ

ମୟୂରଭଞ୍ଜ: ନିଲମ୍ବିତ ହେଲେ ମଦ୍ୟପ ପୋଲିସ ଏସଆଇ । ମହଙ୍ଗା ପଡ଼ିଲା ଡ୍ୟୁଟି ବେଳେ ନିଶା ସେବନ । ଭିଡିଓ ଭାଇରାଲ ପରେ ଜାରି ହେଲା କାର୍ଯ୍ୟାନୁଷ୍ଠାନ ।

ତେବେ ଘଟଣାଟି ଘଟିଛି ମୟୂରଭଞ୍ଜ ଜିଲ୍ଲାରେ । ନିଲମ୍ବିତ ହୋଇଛନ୍ତି ବେତନଟୀ ଥାନା ଏସଆଇ ସଚ୍ଚିଦାନନ୍ଦ କିଷାନ । ଏ ନେଇ ଟ୍ୱିଟ କରି ଜଣାଇଛନ୍ତି ମୟୂରଭଞ୍ଜ ଏସପି । ବୁଧବାର ସନ୍ଧ୍ୟାରେ ବେତନଟୀ ଛକରେ ନିଶାଶକ୍ତ ଅବସ୍ଥାରେ ପଡ଼ିଥିବା ଭିଡିଓ ଭାଇରାଲ ହୋଇଥିଲା ।

ଏ ସଂପର୍କରେ ସ୍ଥାନୀୟ ବାସିନ୍ଦା ମୟୂରଭଞ୍ଜ ଏସପିଙ୍କୁ ପ୍ରଥମେ ଜଣାଇଥିଲେ । ଘଟଣାନୁଯାୟୀ ପୂର୍ବରୁ ଟାଉନଥାନାରେ ଥିବା ବେଳେ ମଧ୍ୟ ସଚ୍ଚିଦାନନ୍ଦ ନିଲମ୍ବିତ ହୋଇଥିଲେ ।