ପାକିସ୍ତାନ ପକ୍ଷରୁ ପୁଣି ଅସ୍ତ୍ରବିରତି ଉଲ୍ଲଂଘନ, ରାତି ତମାମ ଏଲଓସିରେ ଗୁଳି ବିନିମୟ
ନନ୍ଦିଘୋଷ ବ୍ୟୁରୋ: ପହଲଗାମ ଆକ୍ରମଣ ପରେ ପାକିସ୍ତାନ ନିୟନ୍ତ୍ରଣ ରେଖା ଏଲଓସିରେ ଲଗାତାର ଗୁଳି ବର୍ଷଣ ଚାଲିଛି । ପାକିସ୍ତାନ ପଟୁ ହେଉଥିବା ଗୁଳିମାଡ଼ର କଡ଼ା ଜବାବ ଦେଉଛି ଭାରତୀୟ ସେନା । ସେନା ଏ ନେଇ କହିଛି ଯେ, ଗତ ରାତିରେ ପାକିସ୍ତାନୀ ସେନା ଗୁଳି ମାଡ଼ କରିଥିଲା । ଭାରତୀୟ ସେନା ଏହାର କଡ଼ା ଜବାବ ଦେଇଥିଲା । ଏହି ଗୁଳି ବିନିମୟ ନେଇ କ୍ଷୟକ୍ଷତିର କୌଣସି ସୂଚନା ନାହିଁ ।
ଏହି ଆକ୍ରମଣକୁ ଦୃଷ୍ଟିରେ ରଖି ସେନା ମୁଖ୍ୟ ବରିଷ୍ଠ କମାଣ୍ଡରଙ୍କ ସମେତ ବୈଠକ କରାଯାଇଛି । ଏହା ପରେ ସୁରକ୍ଷା ବ୍ୟବସ୍ଥା ନେଇ କଡ଼ା ଯାଞ୍ଚ ହୋଇଛି ।
ପହଲଗାମ ଆକ୍ରମଣ ପରେ ସିନ୍ଧୁ ଜଳ ଚୁକ୍ତି ବାତିଲ ହୋଇଛି । ଓ୍ବାଘା ଅଟାରୀ ବର୍ଡରକୁ ମଧ୍ୟ ବନ୍ଦ କରିଦିଆଯାଇଛି । ଭାରତରେ ରହୁଥିବା ପାକିସ୍ତାନ ନାଗରିକଙ୍କୁ ଶୀଘ୍ର ଫେରିଯିବାକୁ କୁହାଯାଇଛି ।
