ପହଲଗାଓଁ ନରସଂହାର: ପର୍ଯ୍ୟଟକଙ୍କ ପାଖରେ ପହଞ୍ଚିବାକୁ ଆତଙ୍କବାଦୀ ବ୍ୟବହାର କରିଥିଲେ ସ୍ବତନ୍ତ୍ର ମୋବାଇଲ ଆପ୍

ନନ୍ଦିଘୋଷ ବ୍ୟୁରୋ: ପହଲଗାଓଁ ଆତଙ୍କବାଦୀ ଆକ୍ରମଣକୁ ନେଇ ନୂଆ ନୂଆ ତଥ୍ୟ ମିଳିବାରେ ଲାଗିଛି । ତଦନ୍ତକାରୀ ସଂସ୍ଥାଙ୍କ ଯାଞ୍ଚ ଯେତେ ଆଗଉଛି ନୂଆ ନୂଆ ତଥ୍ୟ ମିଳିବାରେ ଲାଗିଛି । ଆତଙ୍କବାଦୀମାନେ ଏକ ସ୍ବତନ୍ତ୍ର ଆପ୍ ବ୍ୟବହାର କରି ପହଲଗାଓଁର ଘଞ୍ଚ ଜଙ୍ଗଲ ଦେଇ ବୈସାରନ୍ ପହଞ୍ଚିବାକୁ ସକ୍ଷମ ହୋଇଥିଲେ । ସେଠାରେ ପହଞ୍ଚିବା ପରେ ଆତଙ୍କବାଦୀମାନେ ଧର୍ମ ପଚାରି ୨୮ ଜଣ ପର୍ଯ୍ୟଟକଙ୍କୁ ହତ୍ୟା କରିଥିଲେ । ଆତଙ୍କବାଦୀମାନେ ପର୍ଯ୍ୟଟକଙ୍କ ପାଖରେ ପହଞ୍ଚିବାକୁ ଆଲପାଇନ୍ କ୍ବେଷ୍ଟ ଆପ୍ଲିକେଶନ ବ୍ୟବହାର କରିଥିଲେ । ଏହା ପୂର୍ବରୁ ମଧ୍ୟ ଜମ୍ମୁର ଜଙ୍ଗଲୀ ଅଞ୍ଚଳରେ ଆକ୍ରମଣ ପାଇଁ ଆତଙ୍କବାଦୀ ଏହି ଆପ୍ ବ୍ୟବହାର କରିଥିଲେ । ଆଉ ଏଥିରେ ସହାୟତା କରିଥିଲା ପାକିସ୍ତାନ ସେନ ।

ମିଳିଥିବା ସୂଚନା ଅନୁସାରେ, ସୁରକ୍ଷା ଏଜେନ୍ସି ସତର୍କତାର ସହ ଏହି ଆପକୁ ଟ୍ରାକ୍ କରୁଥିଲେ । ହେଲେ ଆତଙ୍କବାଦୀମାନେ ସୁରକ୍ଷା ଏଜେନ୍ସିଙ୍କ ନଜରରୁ ହଟିବାକୁ ଏହି ଆପର ବ୍ୟବହାର ପହଲଗାଓଁର ଘଞ୍ଚ ଜଙ୍ଗଲରେ କରିଥିଲେ । ପାକିସ୍ତାନ ସେନା ଆତଙ୍କବାଦୀଙ୍କ ଏହି ଆପ୍ ବ୍ୟବହାର କରି ଟ୍ରାକିଂରୁ ବଞ୍ଚିବାକୁ ସହାୟତା କରିଥିଲା । ସୂଚନାଯୋଗ୍ୟ, ପାକିସ୍ତାନ ସେନା ଏହି ଆପକୁ ଡେଭଲପ୍ କରିଛି ।