ସ୍ତ୍ରୀକୁ ହତ୍ୟା କରି ମୃତଦେହକୁ ବକ୍ସ ଖଟରେ ଭର୍ତ୍ତି କରି ସ୍ବାମୀ ଫେରାର
1 min read
ନନ୍ଦିଘୋଷ ବ୍ୟୁରୋ: ସ୍ତ୍ରୀକୁ ହତ୍ୟା କରି ମୃତଦେହକୁ ବକ୍ସ ଖଟରେ ଭର୍ତ୍ତି କରି ସ୍ବାମୀ ଫେରାର । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ହଳଦି ଗାଁରେ । ଏହି ଗାଁର ଅନିତା ସୋରିଙ୍କୁ ତାଙ୍କ ସ୍ବାମୀ ଦୁଷ୍ମନ୍ତ ନାୟକ ହତ୍ୟା କରି ମୃତଦେହକୁ ବକ୍ସ ଖଟ ଭିତରେ ଭର୍ତ୍ତି କରି ଫେରାର ହୋଇଯାଇଥିବା ଅଭିଯୋଗ ହୋଇଛି । ଅନିତାଙ୍କ ଖୋଜ ଖବର ନମିଳିବାରୁ ତାଙ୍କ ପରିବାର ଲୋକେ ଚନ୍ଦାହାଣ୍ଡି ଥାନାରେ ଲିଖିତ ଅଭିଯୋଗ ଦେଇଥିଲେ । ଘଟଣାସ୍ଥଳରେ ଥାନା ଅଧିକାରୀ ପହଞ୍ଚି ଘରର ତାଲା ଭାଙ୍ଗି ମହିଳାଙ୍କ ଶବ ଜବତ କରିଛି। ଘଟଣାସ୍ଥଳରେ ଉମରକୋଟ SDPO ଶୁଭେନ୍ଦୁ ଶବର ପହଞ୍ଚି ତଦନ୍ତକୁ ଆଗକୁ ନେଇଛନ୍ତି ।
