ରାଜ୍ୟପାଳଙ୍କ ପୁରୀ ଗସ୍ତ ବେଳେ ପାଓ୍ବାର କଟ୍, ଅନ୍ଧାରରେ ବୁଲିଲେ

ପୁରୀ: ଜଗନ୍ନାଥ ଧାମ ପୁରୀରେ ଶକ୍ତି ବିଭାଗର ଅପାରଗତା । ଅନ୍ଧାରରେ ବୁଲିଲେ ରାଜ୍ୟପାଳ । ରାଜ୍ୟପାଳଙ୍କ ଗସ୍ତବେଳେ ହେଲା ପାୱାର କଟ୍ । ଅନ୍ଧାରରେ ଘଣ୍ଟେ କାଳ ବୁଲିଲେ ରାଜୃପାଳ କେ. ହରିବାବୁ କମ୍ଭମପାଟି ।

ଏଭଳି ଘଟଣା ଘଟିଛି ପୁରୀ ଭିଆଇପି ରୋଡସ୍ଥିତ ବୈଷ୍ଣବ ଦେବୀ ଗଳିରେ । ଆଜି ରାଜ୍ୟପାଳ ପୁରୀରେ ବିଭିନ୍ନ ଉନ୍ନୟନମୂଳକ କାମ ସମୀକ୍ଷା କରିବା ପରେ ପ୍ରଧାନମନ୍ତ୍ରୀ ଆବାସିକ ଯୋଜନା ମାଧ୍ୟମରେ ପାଇଥିବା ହିତାଧିକାରୀଙ୍କ ଘର ପରିଦର୍ଶନ କରିବାକୁ ଯାଇଥିଲେ । ରେଣୁବାଳା ପଣ୍ଡା ଓ ରାଧାରାଣୀ ଦେବନାଥଙ୍କ ଘର ବୁଲିବା ସମୟରେ ପାୱାର କଟ୍ ହୋଇଥିଲା । ରାଜ୍ୟପାଳ ପୁରୀରେ ସମୀକ୍ଷା କରୁଥିବାରୁ ସବୁ ବଡ଼ବଡ଼ିଆ ସହରରେ ଉପସ୍ଥିତ ଥିଲେ । ତଥାପି କିଭଳି ପାୱାର କଟ ହେଲା ତାକୁ ନେଇ ଅସନ୍ତୋଷ ପ୍ରକାଶ ପାଇଛି ।