ମଝି ନଦୀରେ ଖସିପଡିଲା ହେଲିକପ୍ଟର, ଦୁର୍ଘଟଣାରେ ୫ ଜଣ ମୃତ

ନନ୍ଦିଘୋଷ ବ୍ୟୁରୋ: ଆମେରିକାର ନ୍ୟୁୟର୍କରେ ହେଲିକପ୍ଟର ଦୁର୍ଘଟଣା। ହଡସନ୍ ନଦୀରେ ଖସି ପଡ଼ିଲା ହେଲିକପ୍ଟର । ଏଥିରେ ୫ ଜଣଙ୍କ ମୃତ୍ୟୁ ହୋଇଛି। ଆକାଶ ମାର୍ଗରୁ ସିଧା ନଦୀକୁ ଖସି ପଡ଼ିଥିଲା ହେଲିକପଟର। ଏହି ହେଲିକପଟରଟି ଉଡ଼ାଣ ଭରିବାର ଅଳ୍ପ ସମୟ ପରେ ହିଁ ଏହା ନଦୀକୁ ଖସି ପଡ଼ିଥିଲା। ମୃତକ ମଧ୍ୟରେ ଅଛନ୍ତି ସିମେନ୍ସ କମ୍ପାନୀର ଜଣେ ବରିଷ୍ଠ ଅଧିକାରୀ। ସେ ହେଲେ ଅଗଷ୍ଟିନ୍ ଏସକୋବର୍। ସେ ହେଉଛନ୍ତି ସ୍ପେନର ଏକ କମ୍ପାନୀର ସିଇଓ । ନିଜ ପରିବାର ସହିତ ଛୁଟି ବିତାଇବାକୁ ସେ ନ୍ୟୁୟର୍କ ଆସିଥିଲେ। ତାଙ୍କ ସହିତ ହେଲିକପଟରେ ଥିଲେ ତାଙ୍କ ପତ୍ନୀ ଓ ତିନି ପୁଅ ଝିଅ। ଦୁର୍ଘଟଣାରେ ସମସ୍ତଙ୍କ ମୃତ୍ୟୁ ହୋଇଛି ।