କଟକ: କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ମୁସଲିମ ବସ୍ତିରେ ଫୁଟିଲା ବୋମା । ଶ୍ବଶୁର ଘରକୁ ବୋମା ପକାଇଲା ଜ୍ୱାଇଁ । ସୁଲତାନ ମହମ୍ମଦଙ୍କ ଜ୍ୱାଇଁ ଅବଦୁଲ ମନସୁରଙ୍କ ସହ ଦୁଇ ସହଯୋଗୀ ତାଙ୍କ ଘର ଉପରକୁ ବୋମା ପକାଇଥିବା ଅଭିଯୋଗ ହୋଇଛି । ଗତକାଲି ରାତିରେ ଅବଦୁଲ ମନସୁର ଓ ତାଙ୍କର ଦୁଇ ସହଯୋଗୀ ବାଇକରେ ଆସି ବୋମା ମାଡ କରିଛନ୍ତି । ବୋମାମାଡରେ ଘରର କବାଟ, ଝରକା ଓ ବିଭିନ୍ନ ଆସବାବପତ୍ର ନଷ୍ଟ ହୋଇଛି । ଏନେଇ ପରିବାର ପକ୍ଷରୁ ପୋଲିସ ନିକଟରେ ଅଭିଯୋଗ କରାଯାଇଛି । ନରସିଂହପୁର ପୋଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
