୩ ଦିନର ବ୍ୟବଧାନ ପରେ ପୁଣି ସରଗରମ ହେବ ଗୃହ ! ସରକାରଙ୍କୁ ଘେରିବେ ବିରୋଧୀ

ଭୁବନେଶ୍ବର : ତିନି ଦିନର ଛୁଟି ପରେ ପୁଣି ସରଗରମ ହେବ ବିଧାନସଭା । ଆଜି ବିଧାନସଭାରେ କୃଷି ଓ କୃଷକ ସଶକ୍ତିକରଣ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ, ଶକ୍ତି, ସମବାୟ, ମତ୍ସ୍ୟ ଓ ପଶୁ ସମ୍ପଦ, ବୟନ ଶିଳ୍ପ, ହସ୍ତତନ୍ତ ଓ ହସ୍ତଶିଳ୍ପ, ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ,ବିଜ୍ଞାନ ଓ କାରିଗରୀ ବିଭାଗର ପ୍ରଶ୍ନକାଳ ରହିଛି  । ଦ୍ୱିତୀୟ ପର୍ଯ୍ୟାୟର ପ୍ରଥମ ଦିନରୁ ଦୁଇ ବିରୋଧି ଗୃହରେ କଡା ଆଭିମୁଖ୍ୟ ରଖି ଶାସକ ଦଳକୁ ଘେରୁଛନ୍ତି । ଯାହା ଶାସକ ଦଳର ଚିନ୍ତାର କାରଣ ସାଜିଛି  । ଅନ୍ୟପଟେ ବିଶୃଙ୍ଖଳା ଆଚରଣ ପାଇଁ କଂଗ୍ରେସର ୧୪ ଜଣ ବିଧାୟକ ନିଲମ୍ବିତ ହୋଇଛନ୍ତି । ତେଣୁ ଅଭିନବ ଉପାୟରେ କଂଗ୍ରେସ ବିଧାୟକମାନେ ଏହା ବିରୋଧରେ ପ୍ରତିବାଦ ଜାରି ରଖିଛନ୍ତି  ।

ନାରୀ ନିର୍ଯାତନା ପ୍ରସଂଗରେ କଂଗ୍ରେସ ହାଉସ କମିଟି କି ମୁଖ୍ୟମନ୍ତ୍ରୀଙ୍କ ବିବୃତି ଦାବି କରି ପ୍ରତିବାଦ ଜାରି ରଖିଛି କଂଗ୍ରେସ  । ମୁଖ୍ୟ ବିରୋଧୀ ଦଳ ପକ୍ଷରୁ ମୂଲତବୀ ପ୍ରସ୍ତାବ ଦିଆଯିବ । ଶୂନ୍ୟକାଳରେ ବିଜେଡି ବହୁ ଗୁରୁତ୍ଵପୂର୍ଣ୍ଣ ପ୍ରସଂଗ ଉଠାଇ ସରକାରକୁ ଘେରିପାରେ  । ସେହିପରି ଶାସକ ଦଳ କିଛି ବିଲ ଗୃହରେ ଆଣିପାରେ  । ଯାହାକୁ ନେଇ ବିଧାନସଭା ବେଶ ଉଷ୍ମ ହୋଇପାରେ ।