ଆଜିଠୁ ଝାରସୁଗୁଡ଼ାରୁ କୋଲକାତାକୁ ଉଡ଼ିଲା ବିମାନ

ଝାରସୁଗୁଡ଼ା: ଝାରସୁଗୁଡ଼ାରୁ କୋଲକାତାକୁ ଆରମ୍ଭ ହୋଇଛି ବିମାନ ସେବା । ଭିଏସ୍‌ଏସ୍‌ ବିମାନ ବନ୍ଦରରୁ କୋଲକତାକୁ ଉଡ଼ାଣ ଭରିଲା ବିମାନ । ଆଲାଏନ୍ସ ଏୟାର ବିମାନ ନମ୍ବର ୭୪୫ରୁ ବିମାନ ଉଡ଼ାଣ ଭରିଛି । ଉଡ଼ାନ-୩ ଯୋଜନା ମାଧ୍ୟମରେ ଝାରସୁଗୁଡ଼ାରୁ କୋଲକତାକୁ ବିମାନ ଚଳାଚଳ କରିବ ।

ଝାରସୁଗୁଡ଼ା ବିମାନ ବନ୍ଦରରେ ଅଧିକ ସଂଖ୍ୟକ ଯାତ୍ରୀଙ୍କୁ ଦୃଷ୍ଟିରେ ରଖି କୋଲକତାକୁ ବିମାନ ସେବା ଆରମ୍ଭ ହୋଇଥିବା ବିମାନବନ୍ଦର ଅତିରିକ୍ତ ନିର୍ଦ୍ଦେଶକ ସୂଚନା ଦେଇଛନ୍ତି । ସେପେଟ ଏଭଳି ପଦକ୍ଷେପକୁ ସ୍ୱାଗତ କରିଛନ୍ତି ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସ । ଝାରସୁଗୁଡ଼ାକୁ ଆହୁରି ବିମାନ ଆସିବ ଏବଂ ଏହା ଓଡ଼ିଶାର ପ୍ରମୁଖ ବିମାନ ବନ୍ଦର ଭାବେ ପରିଗଣିତ ହେବ ବୋଲି ସେ କହିଛନ୍ତି ।