ଜର୍ମାନୀରେ ଦିନିକିଆ ଧର୍ମଘଟ ଯୋଗୁଁ ବିମାନ ଯାତ୍ରା ପ୍ରଭାବିତ, ୩୪୦୦ ଉଡ଼ାଣ ବାତିଲ

ନନ୍ଦିଘୋଷ ବ୍ୟୁରୋ ; ଜର୍ମାନୀର ବିମାନବନ୍ଦରର କର୍ମଚାରୀମାନେ ଦେଶବ୍ୟାପୀ ଦିନିକିଆ ଧର୍ମଘଟ ଡାକରା ଦେଇଥିଲେ । ଯାହା ଫଳରେ ସୋମବାର ୧୩ଟି ପ୍ରମୁଖ ବିମାନବନ୍ଦରରେ ବିମାନ ସେବା ସମ୍ପୂର୍ଣ୍ଣ ବନ୍ଦ ହୋଇଯାଇଛି। ଏହି ଧର୍ମଘଟ ଲାଗି ପ୍ରାୟ ୫ ଲକ୍ଷ ଯାତ୍ରୀଙ୍କୁ ପ୍ରଭାବିତ ହୋଇଛନ୍ତି । ଏହି ଧର୍ମଘଟ ଫଳରେ ଜର୍ମାନୀର ୧୩ଟି ପ୍ରମୁଖ ବିମାନବନ୍ଦରରେ ୩,୪୦୦ ଉଡ଼ାଣ ବାତିଲ ହୋଇଥିଲା । ପ୍ରକୃତରେ, ଦେଶରେ ୨୫ ଲକ୍ଷ ସରକାରୀ କର୍ମଚାରୀ ଥିବା ଭର୍ଡି ୟୁନିଅନ ଦରମା ବୃଦ୍ଧି ଦାବି କରି ଏହି ଧର୍ମଘଟ ଘୋଷଣା କରିଥିଲା। ଏହି ଧର୍ମଘଟରେ ଗ୍ରାଉଣ୍ଡ ଷ୍ଟାଫ୍, ପାଇଲଟ୍ ଏବଂ କ୍ୟାବିନ କ୍ରୁ ସମେତ ଅନେକ ବିମାନ କର୍ମଚାରୀ ସାମିଲ ଅଛନ୍ତି। କର୍ମଚାରୀ ସଂଘଗୁଡ଼ିକ କହିଛନ୍ତି, ବୃଦ୍ଧି ପାଉଥିବା ମୁଦ୍ରାସ୍ଫୀତି ଏବଂ କର୍ମକ୍ଷେତ୍ରରେ ଚାପ ଯୋଗୁଁ ଦରମା ବୃଦ୍ଧି ଜରୁରୀ।

ଧର୍ମଘଟ ଯୋଗୁଁ, ଅଧିକାଂଶ ଜର୍ମାନ ବିମାନବନ୍ଦରରେ ବିମାନ ଚଳାଚଳ ବନ୍ଦ ହୋଇଯାଇଥିଲା। ଜର୍ମାନ ସମୟ ଅନୁସାରେ, କର୍ମଚାରୀମାନଙ୍କର ଏହି ଧର୍ମଘଟ ସୋମବାରରୁ ଆରମ୍ଭ ହେବାର ଥିଲା, କିନ୍ତୁ ଏହା ନିର୍ଦ୍ଧାରିତ ସମୟର ଗୋଟିଏ ଦିନ ପୂର୍ବରୁ ରବିବାର ଦିନ ଆରମ୍ଭ ହୋଇଥିଲା।