ବିଜୁ ବାବୁଙ୍କୁ ଅପମାନ ପ୍ରତିବାଦରେ ଆନ୍ଦୋଳନକୁ ଓହ୍ଲାଇଲା ବିଜେଡି

ଭୁବନେଶ୍ବର: ବିଜୁ ଜୟନ୍ତୀରେ ସରକାରୀ ଛୁଟି ବାତିଲ । ରାଜ୍ୟସ୍ତରୀୟ ପଞ୍ଚାୟତିରାଜ ଦିବସ ପାଳନ କରା ନଯିବା ପ୍ରତିବାଦରେ ଆନ୍ଦୋଳନକୁ ଓହ୍ଲାଇଲା ବିଜେଡି । ଭୂମିପୁତ୍ର ବିଜୁ ପଟ୍ଟନାୟକ ଅସମ୍ମାନ କରାଯାଉଥିବା ପ୍ରତିବାଦରେ ଭୁବନେଶ୍ବର ବିମାନବନ୍ଦର ନିକଟରେ ବିଜୁ ପଟ୍ଟନାୟକ ପ୍ରତିମୂର୍ତ୍ତି ନିକଟରେ ନୀରବ ପ୍ରତିବାଦ କରୁଛି ବିଜେଡି ।

ସୂଚନାଯୋଗ୍ୟ, ଓଡ଼ିଆ ଅସ୍ମିତା କଥା କହି ସରକାରକୁ ଆସିଥିବା ବିଜେପି, ଓଡ଼ିଶାବାସୀଙ୍କୁ ଅପମାନିତ କରିବାର କୌଣସି ସୁଯୋଗ ହାତଛଡ଼ା କରୁନି । ମହାପୁରୁଷ ବିଜୁ ପଟ୍ଟନାୟକଙ୍କୁ ଅପମାନିତ କରିବା ସହ ୯୦ ଦଶକର ପରମ୍ପରାକୁ ଭାଙ୍ଗି ଦେଇଛନ୍ତି । କେବଳ ଓଡ଼ିଶା କି ଭାରତ ନୁହେଁ, ସାରା ବିଶ୍ବରେ ବରପୁତ୍ରର ଆଖ୍ୟା ପାଇଥିବା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତି ଡବଲ ଇଂଜିନ ସରକାର ଅସମ୍ମାନ ପ୍ରଦର୍ଶନ କରିଛି ।

ବିଜେଡି ପକ୍ଷରୁ କୁହାଯାଇଛି, ମାର୍ଚ୍ଚ ୫ ତାରିଖରେ ପଞ୍ଚାୟତିରାଜ ଦିବସ ପାଳନ ନ କରି ବିଜୁବାବୁଙ୍କୁ ଅସମ୍ମାନ କରିଛନ୍ତି ରାଜ୍ୟ ସରକାର । ବିଜୁ ପଟ୍ଟନାୟକ ବିଜେଡିର ନୁହଁନ୍ତି । ସେ ଦେଶର ଟଲେଷ୍ଟ ନେତା । ସାରା ବିଶ୍ବରେ ଲୋକେ ତାଙ୍କୁ ମନେ ରଖିଛନ୍ତି । ଗତ ୩୦ ବର୍ଷ ଧରି ରାଜ୍ୟ ସରକାର ଏହି ଦିବସ ପାଳନ କରୁଥିଲେ । ଏବେର ମୁଖ୍ୟମନ୍ତ୍ରୀ ମୋହନ ମାଝୀ ବିରୋଧୀ ଦଳ ମୁଖ୍ୟ ସଚେତକ ଥିବା ସମୟରେ ଏହାକୁ ବିରୋଧ କରି ନଥିଲେ । କିନ୍ତୁ ଏବେ ଷଡଯନ୍ତ୍ର କରି ରାଜନୈତିକ ଉଦ୍ଦେଶ୍ୟ ରଖି ମହାପୁରୁଷଙ୍କୁ ଅସମ୍ମାନ କରିଛନ୍ତି । ବିଜୁବାବୁଙ୍କ ପ୍ରତି ଏଭଳି ହିନମନ୍ୟତା ରାଜ୍ୟବାସୀ କେବେ କ୍ଷମା ଦେବେନାହିଁ ।