ଓଏସଏସଏସସି ଶାରୀରିକ ପରୀକ୍ଷା: ଦୌଡୁ ଥିବା ବେଳେ ପ୍ରାର୍ଥୀଙ୍କ ମୃତ୍ୟୁ

ସୁନ୍ଦରଗଡ଼: OSSSC ଶାରୀରିକ ପରୀକ୍ଷା ବେଳେ ଅଘଟଣ । ଦୌଡୁ ଥିବା ବେଳେ ଜଣେ ପ୍ରାର୍ଥୀଙ୍କ ମୃତ୍ୟୁ ଅଭିଯୋଗ। ସୁନ୍ଦରଗଡ଼ରେ ଏହି ଅଘଟଣ ଘଟିଛି । ମୃତକ ହେଲେ ରାଉରକେଲାର ପ୍ରବୀଣ କୁମାର ପଣ୍ଡା । ଫରେଷ୍ଟ ଗାର୍ଡ ଏବଂ ଫରେଷ୍ଟର ପଦବୀ ପାଇଁ କରିଥିଲେ ଆବେଦନ।

ଭବାନୀପୁରରୁ ବାରଗାଡ ୨୫ କିଲୋମିଟର ଦୌଡ଼ ବେଳେ ସଦର ଥାନା କିରେଇ ନିକଟରେ ସେ ଅଚେତ ହୋଇ ପଡ଼ିଥିଲେ । ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ମୃତକ ପ୍ରବୀଣଙ୍କ ବାପା ମଧ୍ୟ ତାଙ୍କ ସହ ଥିଲେ । ପୁଅର ମୃତ୍ୟୁ ପରେ ସେ ଭାଙ୍ଗି ପଡ଼ିଛନ୍ତି । ତାଙ୍କୁ କ୍ଷତିପୂରଣ ଯୋଗାଇ ଦେବାକୁ ଦାବି ହୋଇଛି । ଘଟଣାକୁ ନେଇ ଅତିରିକ୍ତ ଜିଲ୍ଲାପାଳ କହିଛନ୍ତି, ମେଡିକାଲ ଯାଞ୍ଚ କରାଯିବା ସମୟରେ ସବୁ ଠିକ୍ ଥିଲା ଓ ସେ ସୁସ୍ଥ ଥିଲେ । ଏହାସହ ସେ ଦୌଡିବା ପାଇଁ ସ୍ବୀକୃତି ଦେଇଥିଲେ । ବର୍ତ୍ତମାନ ରେଡକ୍ରସ ପକ୍ଷରୁ ତାଙ୍କ ପରିବାରକୁ ୩୦ ହଜାର ଟଙ୍କା ପ୍ରଦାନ କରାଯିବ । ପରେ ରାଜ୍ୟ ସରକାରଙ୍କ ବ୍ୟବସ୍ଥା ଅନୁସାରେ ବାକି କ୍ଷତିପୂରଣ ଦିଆଯିବ ବୋଲି ଅତିରିକ୍ତ ଜିଲ୍ଲାପାଳ କହିଛନ୍ତି ।