ମହାରାଷ୍ଟ୍ରର ମନ୍ତ୍ରୀ ଧନଞ୍ଜୟ ମୁଣ୍ଡେଙ୍କ ଇସ୍ତଫା

ମୁମ୍ବାଇ: ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ଧନଞ୍ଜୟ ମୁଣ୍ଡେ ଇସ୍ତଫା ଦେଇଛନ୍ତି । ଅଜିତ ପଓ୍ବାରଙ୍କ ରାଷ୍ଟ୍ରବାଦୀ କଂଗ୍ରେସ ପାର୍ଟି (NCP) ନେତା ଧନଞ୍ଜୟ ନିଜ ପଦ ଛାଡ଼ିଛନ୍ତି । ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ଏ ବାବଦରେ ସୂଚନା ଦେଇଛନ୍ତି । ଧନଞ୍ଜୟଙ୍କ ପିଏ ପ୍ରଶାନ୍ତ ଜୋଶୀ ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନକୁ ଯାଇ ଇସ୍ତଫା ପତ୍ର ପ୍ରଦାନ କରିଛନ୍ତି । ଧନଞ୍ଜୟ ଇସ୍ତଫ ପତ୍ର ପଠାଇଥିବା ନେଇ ମୁଖ୍ୟମନ୍ତ୍ରୀ କହିଛନ୍ତି । ଏହାପରେ ଉକ୍ତ ଇସ୍ତଫା ପତ୍ରକୁ ମୁଖ୍ୟମନ୍ତ୍ରୀ ରାଜ୍ୟପାଳଙ୍କ ନିକଟକୁ ପଠାଇ ଦେଇଛନ୍ତି ।

ସରପଞ୍ଚ ସନ୍ତୋଷ ଦେଶମୁଖଙ୍କ ହତ୍ୟା ମାମଲାରେ ମହାରାଷ୍ଟ୍ରର ମହାୟୁତି ସରକାରରେ ମନ୍ତ୍ରୀ ଥିବା ଧନଞ୍ଜୟଙ୍କ ମୁସ୍କିଲ ବଢ଼ିଯାଇଛି । ଏସଆଇଟି ଚାର୍ଜଶିଟରେ ଧନଞ୍ଜୟଙ୍କ ନିକଟତମ ସହଯୋଗୀ ବାଲ୍ମିକ କରାଡଙ୍କ ନାମ ମୁଖ୍ୟ  ମାଷ୍ଟରମାଇଣ୍ଡ ବୋଲି ଉଲ୍ଲେଖ କରାଯାଇଛି । ଜବରଦସ୍ତ ଅର୍ଥ ଆଦାୟକୁ ବିରୋଧ କରିଥିବା ସରପଞ୍ଚଙ୍କ ହତ୍ୟାରେ କରାଡଙ୍କ ନାମ ସାମ୍ନାକୁ ଆସିଛି । ଧନଞ୍ଜଜୟଙ୍କୁ ମନ୍ତ୍ରୀ ପଦ ଛାଡ଼ିବାକୁ ପଡ଼ିବ ବୋଲି ଅଜିତ ପଓ୍ବାର ଓ ପ୍ରଫୁଲ୍ଲ ପଟେଲଙ୍କୁ ମୁଖ୍ୟମନ୍ତ୍ରୀ ପତ୍ର ଲେଖିଥିଲେ ବୋଲି ଏକ ସୂତ୍ରରୁ ଜଣାପଡ଼ିଛି ।