ହିମାନି ନରୱଲଙ୍କ ହତ୍ୟା ଘଟଣା, ମୁଖ୍ୟ ଅଭିଯୁକ୍ତ ଗିରଫ

ନନ୍ଦିଘୋଷ ବ୍ୟୁରୋ: ହରିୟାଣାର ରୋହତକରେ କଂଗ୍ରେସ କର୍ମୀ ହିମାନୀ ନରୱାଲ ହତ୍ୟା ମାମଲାରେ ପୋଲିସକୁ ମିଳିଛି ବଡ ସଫଳତା । ହତ୍ୟା ମାମଲାର ମୁଖ୍ୟ ଅଭିଯୁକ୍ତକୁ ଗିରଫ କରିଛି ପୋଲିସ । ତାଙ୍କୁ ପଚରାଉଚରା କରାଯାଉଛି । ଅଭିଯୁକ୍ତ ଜଣକ ମୃତ ହିମାନୀ ନରୱାଲଙ୍କ ବନ୍ଧୁ ଥିଲା । ସେ ହିମାନୀକୁ ତାଙ୍କ ନିଜ ଘରେ ହତ୍ୟା କରିଥିଲେ । ହତ୍ୟା ପରେ ତାଙ୍କ ମୃତଦେହକୁ ଏକ ସୁଟକେସ୍‌ରେ ବନ୍ଦ କରି ସାମ୍ପଲା ବସ୍ ଷ୍ଟାଣ୍ଡରେ ଫିଙ୍ଗି ଦେବା ପରେ ଦିଲ୍ଲୀ ପଳାଇ ଯାଇଥିଲେ । ଅଭିଯୁକ୍ତ ନିଜ ଅପରାଧ ମାନଥିବା ହରିୟାଣା ପୋଲିସ ସୂଚନା ଦେଇଛି । ଅଭିଯୁକ୍ତଙ୍କ ନାମ ସଚିନ ବୋଲି କୁହାଯାଉଛି । ସେ ରୋହତକର ବାସିନ୍ଦା । ସେ ହିମାନୀକୁ କାହିଁକି ହତ୍ୟା କଲା ଏ ସମ୍ପର୍କରେ ଅଭିଯୁକ୍ତଙ୍କୁ ପଚରାଉଚରା କରାଯାଉଛି । ହରିୟାଣା ପୋଲିସ ଅଭିଯୁକ୍ତକୁ ଦିଲ୍ଲୀରୁ ଗିରଫ କରିଛି । ଗିରଫ ଅଭିଯୁକ୍ତଙ୍କଠାରୁ ହିମାନୀଙ୍କ ମୋବାଇଲ୍ ଫୋନ ଏବଂ ଅଳଙ୍କାର ମଧ୍ୟ ଜବତ କରାଯାଇଛି ।

ଘରେ ହତ୍ୟା କରାଯାଇଥିଲା

ସୂଚନା ଦେଇ ହରିୟାଣା ପୋଲିସ କହିଛି ଯେ ହିମାନୀ ହତ୍ୟା ମାମଲାରେ ଜଣେ ଅଭିଯୁକ୍ତକୁ ଗିରଫ କରାଯାଇଛି । ଗଣମାଧ୍ୟମ ରିପୋର୍ଟ ଅନୁସାରେ, ଅଭିଯୁକ୍ତ ସଚିନ ରୋହତକର ବାସିନ୍ଦା । ସଚିନ ହିମାନୀକୁ ବିଜୟନଗରରେ ତାଙ୍କ ଘରେ ହତ୍ୟା କରିଥିଲେ । ଅଭିଯୁକ୍ତମାନେ ପ୍ରଥମେ ହିମାନୀଙ୍କୁ ହତ୍ୟା କରିଥିଲେ ଏବଂ ତା’ପରେ ତାଙ୍କ ମୃତଦେହକୁ ଏକ ସୁଟକେସରେ ବନ୍ଦ କରି ଘରଠାରୁ ୮୦୦ ମିଟର ଦୂର ସାମ୍ପଲା ବସ୍ ଷ୍ଟାଣ୍ଡ ନିକଟରେ ଫିଙ୍ଗି ଦେଇଥିଲେ । ମୃତଦେହ ଉଦ୍ଧାର କରିବା ପରେ, ପୋଲିସ ଏହାକୁ ପୋଷ୍ଟମର୍ଟମ ପାଇଁ ପଠାଇଛି ।