ଷ୍ଟ୍ରବେରୀ ଚାଷରୁ ଦୈନିକ ୮ ରୁ ୯ ହଜାର ଟଙ୍କା ରୋଜଗାର
1 min read
ବାଲିଗୁଡା : କ୍ଷେତରେ ଲାଗିଛି ଧାଡିକି ଧାଡି ଷ୍ଟ୍ରବେରୀ ଗଛ । ଆଉ ତା ଭିତରେ ଚମକୁଛି ଲାଲ ଟହଟହ ଷ୍ଟ୍ରବେରୀ । ଯାହାକୁ ଦେଖିଲେ ଲୋଭ ଲାଗିବ । ଆଉ ଏଭଳି ଚାଷ କରିଛନ୍ତି କନ୍ଧମାଳ ଜିଲ୍ଲା ଦାରିଙ୍ଗବାଡିର ପୀତବାସ ପ୍ରଧାନ ଓ ତାଙ୍କ ପୁତୁରା । ପ୍ରାୟ ଦେଢ ଏକର ଜମିର ଷ୍ଟ୍ରବେରୀ ଚାଷ କରି ଦୈନିକ ୮ ରୁ ୯ ହଜାର ଟଙ୍କା ରୋଜଗାର କରୁଛନ୍ତି । ତାଜା ଷ୍ଟ୍ରବେରୀର ବଜାରରେ ଭଲ ଚାହିଦା ରହିଛି । ପ୍ରତିଦିନ ସକାଳେ ଦାଦା ଓ ପୁତୁରା ଷ୍ଟ୍ରବେରୀ ଗଛରେ ପାଣି ଦେବା ସହିତ ଷ୍ଟ୍ରବେରୀ ତୋଳି ରାସ୍ତା କଡରେ ବିକ୍ରି କରି ପାଖାପାଖି ଚାରି ଲକ୍ଷ ଟଙ୍କା ରୋଜଗାର କରିସାରିଲେଣି । ପୂର୍ବ ସରକାରଙ୍କ ସମୟରେ ସେମାନେ ପ୍ରଶିକ୍ଷଣ ଓ ପ୍ରୋତ୍ସାହନ ପାଇ ଚାଷ ଆରମ୍ଭ କରିଥିଲେ । ଏଣୁ ପୂର୍ବ ସରକାରଙ୍କୁ ଧନ୍ୟବାଦ ଜଣାଇଛନ୍ତି ରତି ରଞ୍ଜନ ।
ଦୀର୍ଘ ଦୁଇ ବର୍ଷ ହେଲା ପୀତବାସ ଓ ତାଙ୍କ ପରିବାର ନିଜସ୍ଵ ଖର୍ଚ୍ଚରେ ଷ୍ଟ୍ରବେରୀ ଚାଷ କରୁଛନ୍ତି । ଚାଷ କାର୍ଯ୍ଯରେ ତାଙ୍କ ସ୍ତ୍ରୀ ମଧ୍ଯ ପୂରା ସହଯୋଗ କରୁଛନ୍ତି । ଚଳିତ ବର୍ଷ ଭଲ ବ୍ୟବସାୟ ହୋଇଛି ବୋଲି କହିଛନ୍ତି ପୀତବାସ l ଯଦି ସରକାର ଚାଷ ନିମନ୍ତେ କିଛି ସହାୟତା ଯୋଗାଇ ଦିଅନ୍ତେ ତାହାଲେ ଅଧିକ ଉପକୃତ ହୋଇପାରନ୍ତେ ବୋଲି କହିଛନ୍ତି ରଶ୍ମିତା ।
