ଗରାଖ ବେଶରେ ଯାଇ ପରିବା ହାଟରୁ ଲୁଟୁଥିଲେ, ୧୨ ଗାଡ଼ି ସହ ବନ୍ଧାହେଲେ ୩ ଲୁଟେରା

ନନ୍ଦିଘୋଷ ବ୍ୟୁରୋ: ଗରାଖ ବେଶରେ ଯାଉଥିଲେ । ପରିବା ହାଟରୁ ଲୁଟୁଥିଲେ । ଲିଙ୍ଗରାଜ ଥାନା ଅଧିନ ବିଭିନ୍ନ ହାଟରୁ ଲୁଟ ନେଇ ହୋଇଥିଲା ଅଭିଯୋଗ । ୩ ଲୁଟେରାଙ୍କ ସହ ୧୨ଟି ଗାଡ଼ି ଜବତ କଲା ପୋଲିସ୍ । ଗାଡି ଲୁଟିବା ପରେ କମ ଦାମରେ ସ୍ପେୟାର ପାର୍ଟସ ବିକ୍ରି କରୁଥିଲେ ଅଭିଯୁକ୍ତ । ଲୁଟେରାଙ୍କ ଘର ଗଞ୍ଜାମ ବୋଲି ଜଣାପଡିଛି । ଅଭିଯୁକ୍ତଙ୍କ ବିରୋଧରେ ବିଭିନ୍ନ ଜିଲ୍ଲାରେ ରହିଛି ମାମଲା । ଚୋରା ଗାଡ଼ି ଧରିବା ପାଇଁ ଭୁବନେଶ୍ଵର କମିଶନରେଟ ପୋଲିସର ସ୍ପେସାଲ ଡ୍ରାଇଭ ଜାରି ରହିଛି ।  ପୋଲିସ ପକ୍ଷରୁ ଏହି ଅପରେସନକୁ ଜୋରଦାର କରାଯାଇଛି । ବଡ଼ କଥା ହେଲା ଗାଡ଼ି ଚୋରି କରାଯାଇ ସେହି ଗାଡ଼ିରେ ବିଭିନ୍ନ ଅପରାଧ କରୁଛନ୍ତି ଦୁର୍ବୃତ୍ତ । ପୋଲିସକୁ ଏହି ସୂଚନା ମିଳିବା ପରେ ଧରପଗଡ଼ ଜୋରଦାର ହୋଇଛି । ଜନଗହଳିପୂର୍ଣ୍ଣ ଅଞ୍ଚଳରେ ସାଦା ପୋଷାକରେ ପୋଲିସ ମୁତୟନ ହେଉଛନ୍ତି । ଗାଡ଼ି ଚୋରିରୁ ରକ୍ଷା ପାଇଁ ସତର୍କ ରହିବା ସହିତ ଡବଲ୍ ଲକ୍ ପକାଇବାକୁ ଅନୁରୋଧ କରିଛନ୍ତି ଭୁବନେଶ୍ଵର ଡିସିପି ପିନାକ ମିଶ୍ର ।