ନନ୍ଦିଘୋଷ ବ୍ୟୁରୋ: ଅଳ୍ପକେ ବର୍ତ୍ତିଲେ ୨ ଯୁବକ। ଆମ ବସ ସଂପର୍କିତ ଆଉ ଏକ ଘଟଣା ଏବେ ସାମ୍ନାକୁ ଆସିଛି। ଗାଡ଼ିଟି ପାର୍କିଂରେ ଥିବା ବେଳେ ହଠାତ୍ ଷ୍ଟାର୍ଟ ହୋଇ ଆଗକୁ ବଢିଯିବାରୁ ୨ ଜଣ ଆହତ ହୋଇଛନ୍ତି। ଏ ସଂପର୍କିତ ସିସିଟିଭି ଫୁଟେଜ୍ ସାମ୍ନାକୁ ଆସିଛି। ଆଜି ସକାଳ ପ୍ରାୟ ୧୦ଟା ବେଳେ, ମାଷ୍ଟର କ୍ୟାଣ୍ଟିନ ବସ୍ ଟର୍ମିନାଲ ପାର୍କିଂରେ ୨୩ ନମ୍ବର ରୁଟରେ ଯାଉଥିବା OD 33 AJ 2671 ଏସି ବସଟି ରହିଥିଲା। ବସଟି ପାର୍କିଂରେ ଥିବାବେଳେ ସେହି ଛାଇରେ ୨ ଜଣ ଯୁବକ ବସିରହିଥିଲେ। ମାତ୍ର ବସଟି ହଠାତ୍ ଗଡ଼ିବାକୁ ଲାଗିଥିଲା। କ୍ରୁଟର କହିବା ଅନୁସାରେ ୨୦ ମିନିଟ ଗାଡ଼ି ରହିଥାଏ। ଏହାପରେ ଡ୍ରାଇଭର ଗାଡ଼ି ଷ୍ଟାର୍ଟ କରି ଆଗକୁ ଗଡ଼ାଇବା ବେଳକୁ ୨ ଜଣ ତଳେ ରହିଯାଇଥିଲେ। ଗାଇଡ୍ ଓ ଡ୍ରାଇଭରର ଦାୟିତ୍ବହୀନତାରୁ ଏଭଳି ଘଟିଲା ବୋଲି କ୍ରୁଟ୍ କହିଛି। ଘଟଣା ପରେ ଉଭୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ସ୍ବରୂପ ସେମାନଙ୍କୁ କାମରୁ ଅନ୍ତର କରାଯାଇଛି। ଆଗକୁ ଏଭଳି ତୃଟି ଯେପରି ନହେବ ଏବଂ ମୋ ବସ ସୁରକ୍ଷାକୁ ଅଧିକ ପ୍ରାଧାନ୍ୟ ଦେବ ବୋଲି କ୍ରୁଟ୍ କହିଛି।
