ଆଜୀବନ କାରାଦଣ୍ଡରେ ଦଣ୍ଡିତ ବ୍ୟକ୍ତିଙ୍କ ରାଜକ୍ଷମା ପାଇଁ ଆବେଦନ କଲେ ପରିବାର ଲୋକ

ନନ୍ଦିଘୋଷ ବ୍ୟୁରୋ: ଆଜୀବନ କାରାଦଣ୍ଡରେ ଦଣ୍ଡିତ ବ୍ୟକ୍ତିଙ୍କ ରାଜକ୍ଷମା ପାଇଁ ଆବେଦନ କଲେ ପରିବାର ଲୋକ । ୧୯୯୪ ମସିହା ମାର୍ଚ୍ଚ ୧ ତାରିଖ ଦିନ ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ବି.ନୂଅ। ପଲ୍ଲୀ ଗାଁରେ ଘଟିଥିଲା ଡବଲ ମର୍ଡର । ଏହି ଡବଲ ମର୍ଡରରେ ସିତାରାମ ପ୍ରଧାନ ଓ ଶରତ ପ୍ରଧାନଙ୍କ ମୃତ୍ୟୁ ହୋଇଥିଲା । ଏହି ଘଟଣାରେ ୪ ଜଣ ବ୍ୟକ୍ତି ଗିରଫ ହୋଇଥିଲେ । ସେହି ସମୟରେ ହିଁ ଜଣେ ବ୍ୟକ୍ତି କୋର୍ଟରେ ଖଲାସ ହୋଇ ଯାଇଥିଲେ। ଅନ୍ୟ ତିନିଜଣଙ୍କୁ ଆଜୀବନ କାରାଦଣ୍ଡ ସୁଣାଇଥିଲେ କୋର୍ଟ । ଘଟଣାର ୧୨ ବର୍ଷ ପରେ ଦୁଇ ଜଣଙ୍କୁ ଜେଲ ବୋର୍ଡର ନିଷ୍ପତ୍ତି ଅନୁଷାରେ ଖଲାସ କରାଯାଇଥିବା ବେଳେ ଏବେ ବି ଜେଲରେ ଅଛନ୍ତି ବସନ୍ତ କୁମାର ପ୍ରଧାନ । ତାଙ୍କୁ ରାଜକ୍ଷମା ଦେଇ ଖଲାସ କରିବା ପାଇଁ ରାଷ୍ଟ୍ରପତି ଓ ରାଜ୍ୟପାଳଙ୍କୁ ପତ୍ର ମାଧ୍ୟମରେ ନିବେଦନ କରିଛନ୍ତି ପରିବାର ସଦସ୍ୟ ।