ନନ୍ଦିଘୋଷ ବ୍ୟୁରୋ : ଋଣ ବୋଝ ପାଇଁ ସୈତାନ ସାଜିଲା ପ୍ରେମିକ । ପ୍ରେମିକା ସହ ୫ଜଣଙ୍କୁ ହତ୍ୟା କଲା । ପୋଲିସ ଷ୍ଟେସନର ଆତ୍ମସମର୍ପଣ କରି ବଖାଣିଲା ଚାଞ୍ଜଲ୍ୟ କାହାଣୀ ୨୩ ବର୍ଷୀୟ ଯୁବକ । ସୋମବାର କେରଳ ଥିରୁବନନ୍ତପୁରମ୍ରେ ଲୋମହର୍ଷଣକାରୀ ହତ୍ୟାକାଣ୍ଡ ଘଟଣା ସାମ୍ନାକୁ ଆସିଛି । ଯେଉଁଥିରେ ନିଜ ପ୍ରେମିକା ସହ ପରିବାରର ୫ ଜଣଙ୍କୁ ହତ୍ୟା କରିଛି ଅଭିଯୁକ୍ତ ଅଫାନ । ହାମର ସହ ଚାପଡରେ ହାଣି କରିଛି ହତ୍ୟା । ନିଜ ମା, ବୁଢ଼ିମା, ନାବାଳକ ଭାଇ, ଦାଦା, ଉଭଣୀ ସହ ପ୍ରେମିକାକୁ ହାଣିଛି ।
ହତ୍ୟା ପରେ ଥାନାରେ ଯୁବକ ଆତ୍ମସମର୍ପଣ କରିଛି। ବ୍ୟବସାୟରେ କ୍ଷତି ଯୋଗୁଁ ଅତ୍ୟଧିକ ଋଣ କରିଥିଲା ଯୁବକ। ଋଣ ସୁଝିବାକୁ ପରିବାର ଲୋକେ ରାଜି ହୋଇନଥିବାରୁ ହତ୍ୟା କରିଥିବା କହିଛି ହତ୍ୟାକାରୀ ଯୁବକ। ଥାନାକୁ ଆସି ଭୟଙ୍କର ଲୋମଟାଙ୍କୁରା ଘଟଣା ବର୍ଣ୍ଣନା କରିଛି। ଘଟଣା ପରେ ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ଯୁବକଙ୍କ ମାଆଙ୍କର ସ୍ବାସ୍ଥ୍ୟବସ୍ଥା ଗୁରୁତର ରହିଛି । ସେ ଚିକିତ୍ସାଧୀନ ଅଛନ୍ତି ।
ମୃତ ୫ ଜଣ ହେଲେ ଅଭିଯୁକ୍ତ ଅଫାନଙ୍କ ୧୩ ବର୍ଷୀୟ ଭାଇ ଅହସାନ, ଜେଜେମାଆ ସଲମା ବିବି, ତାଙ୍କ ଦାଦା ଲତିଫ, ଖୁଡି ସାହିହା ଓ ପ୍ରେମିକା ଫର୍ସାନା। ଅଫାନଙ୍କ ମାଆ ଗୁରୁତର ଅଛନ୍ତି ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଜୀବନ ମରଣ ସହ ଲଢୁଛନ୍ତି। ଅଭିଯୁକ୍ତ ଅଫାନ ବିଭତ୍ସ ହତ୍ୟାକାଣ୍ଡ ଘଟାଇବା ପରେ ଥାନାରେ ଆତ୍ମସମର୍ପଣ କରିଛନ୍ତି। ୬ ଜଣଙ୍କୁ ହତ୍ୟା କରିବା ସହ ସେ ବିଷ ପିଇଥିବା ପୋଲିସକୁ କହିଛନ୍ତି। ତାଙ୍କୁ ମଧ୍ୟ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଯଦିଓ ହତ୍ୟାକାଣ୍ଡର ପ୍ରକୃତ କାରଣ ଜଣାପଡିନାହିଁ ଋଣ ସୁଝି ନପାରିବାରୁ ଏମିତି କରିଥିବା କୁହାଯାଉଛି।
