୧୩୨ କେଭି ଟାୱାର ରେ ଚଢି ଯୁବକଙ୍କ ହାଇଡ୍ରାମା

ନନ୍ଦିଘୋଷ ବ୍ୟୁରୋ: ୧୩୨ କେଭି ଟାୱାର ରେ ଚଢି ଯୁବକଙ୍କ ହାଇଡ୍ରାମା । ନିଶାସକ୍ତ ଅବସ୍ଥାରେ ୭୦ ମିଟର ଉପରେ ଚଢ଼ି ଅଢେଇ ଘଣ୍ଟା ଧରି ବସିଲା ଯୁବକ । କାମାକ୍ଷାନଗର ଥାନା ବଡ଼ମୁକ୍ତାପଶି ଗାଁ ନିକଟରେ ୧୩୨ କେଭି ବିଦ୍ୟୁତ ଟାୱାରରେ ନିଶାସକ୍ତ ଅବସ୍ଥାରେ ଚଢ଼ିଗଲା ଯୁବକ  । ଯୁବକ ଜଣକ ବଡ଼ମୁକ୍ତାପଶି ଗାଁର ସନିଆ ମଣ୍ଡଳ । ଆଜି ଅପରାହ୍ନ ରେ ଟାୱାର ଉପରେ ଚଢି ଯାଇଥିଲା । ତେବେ ଚଢ଼ିବା ପରେ ଓଲ୍ହାଇବାର ନାଁ ଧରୁନି ଯୁବକ । ଯେଉଁଥିପାଇଁ ପୋଲିସ, ଅଗ୍ନିଶମ ବାହିନୀ ଓ ବିଦ୍ୟୁତ ବିଭାଗ କୁ ନାକେଦମ ହେବାକୁ ପଡିଛି । ପ୍ରାୟ ଅଢେଇ ଘଣ୍ଟା ଧରି ଯୁବକ ଜଣକ ଟାୱାର ଉପରେ ବସିଥିବା ବେଳେ ଟାୱାର ପାଖକୁ ଯିବାକୁ ଯାଉଥିବା ଉଦ୍ଧାରକାରୀ ଦଳକୁ ଦେଖିଲେ ଡେଇଁବା ପାଇଁ ଉଦ୍ୟମ କରୁଛି । ଫଳରେ ଉଦ୍ଧାରକାରୀ ଦଳ ଯୁବକ ଜଣକ ନିକଟରେ ପହଞ୍ଚି ପାରୁନାହିଁ । ଯୁବକଙ୍କ ଏପରି କାଣ୍ଡ ଯୋଗୁଁ ବିଦ୍ୟୁତ ସରବରାହ ବନ୍ଦ ରହିଛି ।