ପାକିସ୍ତାନୀ ଖେଳାଳୀଙ୍କ ଟାଇମ୍ ଖରାପ କରିବାକୁ ୭ କୋଟିର ଘଣ୍ଟା ପିନ୍ଧି ପଡ଼ିଆକୁ ଓହ୍ଲାଇଥିଲେ ହାର୍ଦ୍ଦିକ
1 min read
ନନ୍ଦିଘୋଷ ବ୍ୟୁରୋ: ପାକିସ୍ତାନ ବିପକ୍ଷରେ ଭାରତର ଚମତ୍କାର ବିଜୟ ପରେ ସବୁ ଶ୍ରେୟ ବିରାଟ କୋହଲିଙ୍କୁ ଯାଉଛି । କିନ୍ତୁ ତାଙ୍କର ୧୦୦ ରନର ଅପରାଜିତ ଇନିଂସ ବ୍ୟତୀତ, ପାକିସ୍ତାନକୁ ପରାଜୟ କରିବାର ଅନେକ କାରଣ ରହିଛି । ୮ ଓଭରରେ ମାତ୍ର ୩୧ ରନ ଦେଇ ଦୁଇଟି ଗୁରୁତ୍ୱପୂର୍ଣ୍ଣ ୱିକେଟ୍ ନେଇଥିବା ହାର୍ଦ୍ଦିକ ପାଣ୍ଡ୍ୟା ମଧ୍ୟ ଏହି ତାଲିକାରେ ସାମିଲ ଅଛନ୍ତି । ବାବର ଆଜମଙ୍କୁ ଆଉଟ୍ କରିବା ପରେ ଯେତେବେଳେ ସେ ଭାରତର ପ୍ରଥମ ୱିକେଟ୍ ନେଇ ସେଲିବ୍ରେଶନ କରୁଥିଲେ, ସେତେବେଳେ ସାରା ବିଶ୍ୱର ଧ୍ୟାନ ତାଙ୍କ ହାତରେ ବନ୍ଧା ହୋଇଥିବା ଏକ ବିଳାସପୂର୍ଣ୍ଣ ଘଣ୍ଟା ଉପରେ ପଡ଼ିଥିଲା।
ହାର୍ଦ୍ଦିକ ପାଣ୍ଡ୍ୟା କେଉଁ ଘଣ୍ଟା ପିନ୍ଧିଥିଲେ ?
ହାର୍ଦ୍ଦିକ ପାଣ୍ଡ୍ୟା ନିଜର ବିଳାସପୂର୍ଣ୍ଣ ଜୀବନଶୈଳୀ ନେଇ ସବୁବେଳେ ଚର୍ଚ୍ଚିତ ରହିଥାଆନ୍ତି । ଘଣ୍ଟାର ସୌକିନ ଥିବା ହାର୍ଦ୍ଦିକଙ୍କ ପାଖରେ ବିଭିନ୍ନ ଧରଣର ଘଣ୍ଟା କଲେକ୍ସନ ରହିଛି। ସେଥିମଧ୍ୟରୁ ଚାମ୍ପିଅନ୍ସ ଟ୍ରଫିରେ ସେ ରିଚାର୍ଡ ମିଲେ RM27-02 CA FQ ଟୁରବିଲନ୍ ରାଫେଲ୍ ନାଡାଲ୍ ସ୍କେଲିଟନ୍ ଡାଏଲ୍ ଏଡିସନ୍ ପିନ୍ଧିଥିଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ମଡେଲର କେବଳ ୫୦ଟି ଘଣ୍ଟା ତିଆରି ହୋଇଥିବା ବେଳେ ଏହା ଟେନିସ୍ କିମ୍ବଦନ୍ତୀ ରାଫେଲ୍ ନାଡାଲଙ୍କ ପାଇଁ ତିଆରି କରାଯାଇଥିଲା ।
ହାର୍ଦ୍ଦିକ ପାଣ୍ଡ୍ୟା ନିଜର ବିଳାସପୂର୍ଣ୍ଣ ଜୀବନଶୈଳୀ ନେଇ ସବୁବେଳେ ଚର୍ଚ୍ଚିତ ରହିଥାଆନ୍ତି । ଘଣ୍ଟାର ସୌକିନ ଥିବା ହାର୍ଦ୍ଦିକଙ୍କ ପାଖରେ ବିଭିନ୍ନ ଧରଣର ଘଣ୍ଟା କଲେକ୍ସନ ରହିଛି। ସେଥିମଧ୍ୟରୁ ଚାମ୍ପିଅନ୍ସ ଟ୍ରଫିରେ ସେ ରିଚାର୍ଡ ମିଲେ RM27-02 CA FQ ଟୁରବିଲନ୍ ରାଫେଲ୍ ନାଡାଲ୍ ସ୍କେଲିଟନ୍ ଡାଏଲ୍ ଏଡିସନ୍ ପିନ୍ଧିଥିଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ମଡେଲର କେବଳ ୫୦ଟି ଘଣ୍ଟା ତିଆରି ହୋଇଥିବା ବେଳେ ଏହା ଟେନିସ୍ କିମ୍ବଦନ୍ତୀ ରାଫେଲ୍ ନାଡାଲଙ୍କ ପାଇଁ ତିଆରି କରାଯାଇଥିଲା ।
ଘଣ୍ଟାଟିର ଦାମ୍ କେତେ?
ରିଚାର୍ଡ ମିଲ RM 027 ହେଉଛି ବିଶ୍ୱର ସବୁଠାରୁ ହାଲୁକା ଘଣ୍ଟା ମଧ୍ୟରୁ ଗୋଟିଏ । ଏହାର ଷ୍ଟ୍ରାପ୍ ସହିତ ଓଜନ ୨୦ ଗ୍ରାମରୁ ଟିକିଏ କମ୍ ଅଟେ । ଘଣ୍ଟାର ମୂଲ୍ୟ ପ୍ରାୟ ୭ କୋଟି ଟଙ୍କା । RM 27-02 ଘଣ୍ଟାଟି ଗ୍ରେଡ୍ 5 ଟାଇଟାନିୟମ୍ ପୁଲରେ ତିଆରି ଯାହା 70 ଘଣ୍ଟାର ପାୱାର ରିଜର୍ଭ ପ୍ରଦାନ କରେ। ଘଣ୍ଟାର କ୍ୱାର୍ଟଜ୍ TPT କେସ୍ ଏହାକୁ ଏକ ଉତ୍କୃଷ୍ଟ ଫ୍ୟାଶନ୍ ଷ୍ଟେଟମେଣ୍ଟ୍ ଦିଏ। ଏହା ପୂର୍ବରୁ ମଧ୍ୟ ହାର୍ଦ୍ଦିକ ପାଣ୍ଡ୍ୟା IPL ସମୟରେ ଏହି ଘଣ୍ଟା ପିନ୍ଧି ପଡ଼ିଆରେ ପ୍ରବେଶ କରିସାରିଛନ୍ତି ।
ପାକିସ୍ତାନ ବିପକ୍ଷରେ ଭାରତର ବୃହତ ବିଜୟ
ଚାମ୍ପିୟନସ୍ ଟ୍ରଫିରେ ଟିମ୍ ଇଣ୍ଡିଆର ବିରାଟ ବିଜୟ। ପାକିସ୍ତାନକୁ ୬ ୱିକେଟରେ ପରାସ୍ତ କରିଛି ଭାରତ ।୪୯ ଓଭର୍ ୪ଟି ବଲରେ ୨୪୧ ରନ୍ କରି ଦଳ ଅଲଆଉଟ ହୋଇଥିଲା। ଭାରତୀୟ ସ୍ପିନ୍ ଜାଲରେ ଛନ୍ଦି ହୋଇଥିଲେ ପାକିସ୍ତାନର ବ୍ଯାଟର୍। କୁଳଦୀପ ଯାଦବଙ୍କୁ ୩ଟି ୱିକେଟ ମିଳିଥିବା ବେଳେ ହାର୍ଦ୍ଦିକଙ୍କୁ ୨ଟି ୱିକେଟ ମିଳିଛି। ସେହିପରି ଅକ୍ଷର ପଟେଲ, ରବୀନ୍ଦ୍ର ଜାଡେଜା ଓ ହର୍ଷିତ ରାଣାଙ୍କୁ ଗୋଟିଏ ଲେଖାଏଁ ୱିକେଟ ମିଳିଥିଲା । ବିଜୟ ସହିତ ଭାରତର ସେମିଫାଇନାଲ ଟିକଟ ଏକ ରକମର ପକ୍କା ହୋଇଥିବା ବେଳେ ପାକିସ୍ତାନ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିବାର ଆଶଙ୍କା ଦେଖାଦେଇଛି ।
ଚାମ୍ପିୟନସ୍ ଟ୍ରଫିରେ ଟିମ୍ ଇଣ୍ଡିଆର ବିରାଟ ବିଜୟ। ପାକିସ୍ତାନକୁ ୬ ୱିକେଟରେ ପରାସ୍ତ କରିଛି ଭାରତ ।୪୯ ଓଭର୍ ୪ଟି ବଲରେ ୨୪୧ ରନ୍ କରି ଦଳ ଅଲଆଉଟ ହୋଇଥିଲା। ଭାରତୀୟ ସ୍ପିନ୍ ଜାଲରେ ଛନ୍ଦି ହୋଇଥିଲେ ପାକିସ୍ତାନର ବ୍ଯାଟର୍। କୁଳଦୀପ ଯାଦବଙ୍କୁ ୩ଟି ୱିକେଟ ମିଳିଥିବା ବେଳେ ହାର୍ଦ୍ଦିକଙ୍କୁ ୨ଟି ୱିକେଟ ମିଳିଛି। ସେହିପରି ଅକ୍ଷର ପଟେଲ, ରବୀନ୍ଦ୍ର ଜାଡେଜା ଓ ହର୍ଷିତ ରାଣାଙ୍କୁ ଗୋଟିଏ ଲେଖାଏଁ ୱିକେଟ ମିଳିଥିଲା । ବିଜୟ ସହିତ ଭାରତର ସେମିଫାଇନାଲ ଟିକଟ ଏକ ରକମର ପକ୍କା ହୋଇଥିବା ବେଳେ ପାକିସ୍ତାନ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିବାର ଆଶଙ୍କା ଦେଖାଦେଇଛି ।
