ବର ଆସିଲାନି ବୋଲି ୩ ପିଲାର ବାପାଙ୍କୁ ମଣ୍ଡପରେ ବସାଇଲେ କନ୍ୟାପକ୍ଷ, ଏହା ପରେ…

ଲକ୍ଷ୍ନୌ : ଉତ୍ତର ପ୍ରଦେଶ ଅମରୋହାରେ ଯେତେବେଳେ ବର ବିବାହରେ ପହଞ୍ଚିନଥିଲେ । ସେତେବେଳେ ତିନି ସନ୍ତାନର ପିତାଙ୍କୁ ମଣ୍ଡପରେ ବସାଇଥିଲେ କନ୍ୟାପକ୍ଷ । ବିବାହ ହେବାକୁ ଥିବା ବେଳେ ଏହି ଖବର ହଇଚଇ ସୃଷ୍ଠି କରିଥିଲା । ବର ଏବଂ କନ୍ୟାଙ୍କ ବିରୋଧରେ ମାମଲା ରୁଜୁ କରାଯାଇଛି । ପ୍ରକୃତରେ, ଶନିବାର ଶିବ ଇଣ୍ଟର କଲେଜରେ ମୁଖ୍ୟମନ୍ତ୍ରୀଙ୍କ ଗଣବିବାହ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ଗଜରୌଲାର ବାୱନପୁରା ମାଫିର ପ୍ରିୟଙ୍କା ମଧ୍ୟ ଅମରପାଲ ନାମକ ଜଣେ ପୁଅ ସହିତ ବିବାହ କରିବାର ଥିଲା, କିନ୍ତୁ ବର ପକ୍ଷର ଲୋକମାନେ ଆସି ନଥିଲେ। ଏହି ସମୟରେ, ଝିଅଟିର ପରିବାର ତିନି ପିଲାର ପିତାଙ୍କୁ ତାଙ୍କ ଝିଅ ସହିତ ବିବାହର ଔପଚାରିକତା କରିବାକୁ ରାଜି କରାଇଲେ। ଝିଅଟିର ପରିବାର ବର ଅମରପାଲଙ୍କ ବଦଳରେ ସାଲେମପୁର ଗୋସାଇଁର କପିଲ କୁମାରଙ୍କୁ ମଣ୍ଡପରେ ବସାଇଲେ।

ବିବାହ ଚାଲିଥିବା ସମୟରେ ଅଧିକାରୀମାନେ ଜାଣିବାକୁ ପାଇଲେ ଯେ, କପିଲ ପୂର୍ବରୁ ବିବାହିତ  । ତାଙ୍କର ତିନୋଟି ସନ୍ତାନ ଅଛି ଏବଂ ତାଙ୍କ ପତ୍ନୀଙ୍କ ନାମ କୋମଲ । ଏହାକୁ ନେଇ ହଙ୍ଗମା ହୋଇଥିଲା । ଯେତେବେଳେ ଅଧିକାରୀମାନେ କାର୍ଯ୍ୟନୁଷ୍ଠନ ଗ୍ରହଣ କରି ତଦନ୍ତ କରିଥିଲଷ, ଘଟଣାଟି ସତ୍ୟ ବୋଲି ପ୍ରମାଣିତ ହୋଇଥିଲା ।  ତୁରନ୍ତ ବିବାହ ବନ୍ଦ କରିବା ସହ ଯୌତୁକ ଜିନିଷ ଅଧିକାରୀମାନେ ଫେରାଇ ଆଣିଲେ । ସିଡିଓ ସମ୍ପୃକ୍ତ ଗ୍ରାମ ପଞ୍ଚାୟତ ସଚିବଙ୍କୁ ନିଲମ୍ବିତ କରିଛନ୍ତି। ଏହା ସହିତ, ବର ଏବଂ କନ୍ୟାଙ୍କ ବିରୁଦ୍ଧରେ ମାମଲା ରୁଜୁ କରିବାକୁ ନିର୍ଦ୍ଦେଶ ଜାରି କରାଯାଇଥିଲା।

ମୁଖ୍ୟମନ୍ତ୍ରୀ ଗଣ ବିବାହ ଯୋଜନାରେ ୨୩୩ ଜଣ ଦମ୍ପତିଙ୍କୁ ପଞ୍ଜିକୃତ କରାଯାଇଥିଲା। ୨୦୦ ଦମ୍ପତିଙ୍କ ବିବାହ ରୀତିନୀତି ଅନୁଯାୟୀ ଅନୁଷ୍ଠିତ ହୋଇଥିଲା। ଯେତେବେଳେ, ୩୩ ଜଣ ଦମ୍ପତି ବିବାହ ପାଇଁ ଆସି ନଥିଲେ। ବିବାହ ଉତ୍ସବ ଶେଷ ହେବା ପରେ, ସାଂସଦ କନୱର ସିଂହ ତନୱର ଏବଂ ବିଧାୟକ ରାଜୀବ ତରାରା ନବଦମ୍ପତିଙ୍କୁ ଆଶୀର୍ବାଦ ଦେଇଥିଲେ।