ପରୀକ୍ଷା ଦେଇ ଫେରୁଥିବାବେଳେ ଦୁର୍ଘଟଣାରେ ମାଟ୍ରିକ ପରୀକ୍ଷାର୍ଥୀ ଗୁରୁତର

ନନ୍ଦିଘୋଷ ବ୍ୟୁରୋ: ନାବାଳକ ପରୀକ୍ଷାର୍ଥୀଙ୍କ ପାଇଁ ବାଇକ ଚଳାଇବା ହେଲା କାଳ । ମାଟ୍ରିକ ପରୀକ୍ଷା ଦେଇ ବାଇକରେ ଘରକୁ ଫେରୁଥିବା ବେଳେ ଦୁର୍ଘଟଣା ।  ଦୁର୍ଘଟଣାରେ ମାଟ୍ରିକ ପରୀକ୍ଷାର୍ଥୀ ଗୁରୁତର । ଗୁରୁତର ପରୀକ୍ଷାର୍ଥୀଙ୍କୁ ଉଦ୍ଧାର କରି ସ୍ଥାନୀୟ ଲୋକେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସ୍ଵାସ୍ଥ୍ୟବସ୍ଥା ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ଗୁରୁତର ପରୀକ୍ଷାର୍ଥୀ ଚିଲିକା ବ୍ଲକ ନଈରୀ ଗାଁର ୧୬ ବର୍ଷୀୟ ସୋମନାଥ ବେହେରା । ସୋମନାଥ ନଈରୀ ଗାଁ ସ୍ଥିତ ଅପର୍ତ୍ତି ହାଇସ୍କୁଲର ଦଶମ ଶ୍ରେଣୀ ଛାତ୍ର ଅଟନ୍ତି । ନଈରୀ ସ୍କୁଲ ପିଲାଙ୍କର ମାଟ୍ରିକ ପରୀକ୍ଷା କେନ୍ଦ୍ର ହରିପୁର ହାଇସ୍କୁଲରେ ପଡ଼ିଥିଲା । ହରିପୁରରେ ପରୀକ୍ଷା ଦେଇ ବାଇକ ଚଳାଇ ଘରକୁ ଫେରୁଥିବା ବେଳେ ନଈରୀ ନିକଟରେ ତାଙ୍କ ବାଇକ ଦୁର୍ଘଟଣା ହୋଇଥିଲା । ଫଳରେ ସୋମନାଥଙ୍କର ହାତ ଦୁଇ ଖଣ୍ଡ ହୋଇଯାଇଛି । ଏହା ସହ ଶରୀରର ବିଭନ୍ନ ଅଂଶ କ୍ଷତିଗ୍ରସ୍ତ ହୋଇଛି ।