ନନ୍ଦିଘୋଷ ବ୍ୟୁରୋ: ସ୍ଥାୟୀ ନିଯୁକ୍ତି ସହ ମାସିକ ୧୫ ହଜାର ଟଙ୍କା ପାରିଶ୍ରମିକ ତଥା ଅନ୍ୟାନ୍ୟ ୭ ଦଫା ଦାବି ନେଇ ଓଡ଼ିଶା ଉଜ୍ଵଳା ଦିଦି ସଂଘ ପିଏମଜିରେ ବିକ୍ଷୋଭ ପ୍ରଦର୍ଶନ କରିଛି। ଉଜ୍ଵଲା ଯୋଜନାକୁ ଗ୍ରାମାଞ୍ଚଳରେ ପ୍ରତ୍ୟେକ ପଞ୍ଚାୟତରେ ଜଣେ ବା ଦୁଇଜଣ ରହି କାମ କରୁଛନ୍ତି। ୨୦୧୯ ମସିହାରୁ ଆଜି ପର୍ଯ୍ୟନ୍ତ କାର୍ଯ୍ୟ କରୁଥିବା ରାଜ୍ୟର ୧୦ ହଜାରରୁ ଉର୍ଧ୍ଵ ଉଜ୍ଵଲା ଦିଦିଙ୍କୁ ବିଜେପି ନିର୍ବାଚନ ପୂର୍ବରୁ ସ୍ଥାୟୀ ନିଯୁକ୍ତିର ପ୍ରତିଶ୍ରୁତି ଦିଆଯାଇଥିଲା। ବିଜେପି ସରକାରକୁ ଆସିବା କ୍ଷଣି ସ୍ଥାୟୀ ନିଯୁକ୍ତିର ପ୍ରତିଶ୍ରୁତି ଦିଆଯାଇଥିଲା। ସେମାନଙ୍କୁ ପ୍ରଶିକ୍ଷଣ ମଧ୍ୟ ଦିଆଯାଇଥିଲା। କିନ୍ତୁ ସରକାରକୁ ଆସିବା ପରେ ବାରମ୍ବାର ଆନ୍ଦୋଳନ ପରେ ମଧ୍ୟ ଦାବି ପୂରଣ ନ କରି ସରକାର ଏହି ଦିଦି ମାନଙ୍କୁ ଠକୁଥିବା ଅଭିଯୋଗ ହୋଇଛି। ଡବଲ ଇଞ୍ଜିନର ପ୍ରତିଶ୍ରୁତି କୁଆଡେ ଗଲା ବୋଲି ଆନ୍ଦୋଳନରତ ଉଜ୍ଵଳା ଦିଦି ମାନେ କହିଛନ୍ତି। ତୁରନ୍ତ ବିଜେପି ଯେଉଁ କଥା ଦେଇଛି ତାହା ପୂରଣ କରୁ ନଚେତ ଏହାର ପରିଣାମ ଭୋଗିବାକୁ ପଡ଼ିବ ବୋଲି ଚେତାଇ ଦେଇଛି ସଂଘ।
