ଶାନ୍ତି ସ୍ଥାପନ ପାଇଁ ଏକାଠି ହେଲେ ଭାରତ-ପାକିସ୍ତାନ: ଦୁଇ ଦେଶ ମଧ୍ୟରେ ଚାଲିଛି ଫ୍ଲାଗ ମିଟିଂ

ନୂଆଦିଲ୍ଲୀ: ଭାରତ ଓ ପାକିସ୍ତାନ ସୀମାରେ ଅଧିକାଂଶ ସମୟରେ ବିବାଦ ଦେଖିବାକୁ ମିଳିଥାଏ । ଆତଙ୍କବାଦୀଙ୍କ ଅନୁପ୍ରବେଶ ଓ ଅନ୍ୟ କାରଣକୁ କେନ୍ଦ୍ର କରି ଅନେକ ସମୟରେ ସୀମାରେ ଭାରତୀୟ ସୁରକ୍ଷା କର୍ମୀଙ୍କ ସହ ପାକ୍ ଆତଙ୍କବାଦୀଙ୍କ ମୁହାଁମୁହିଁ ହୋଇଥାଏ । ଉକ୍ତ ମୁହାଁମୁହିଁରେ ଅନେକ ଯବାନ ଓ ଆତଙ୍କବାଦୀଙ୍କ ପ୍ରାଣହାନୀ ହୋଇଥାଏ । ତେବେ ଏହା ମଧ୍ୟରେ ଆସିଛି ଏକ ବଡ଼ ଖବର ।

ସୂଚନା ମୁତାବକ, ଶାନ୍ତି ସ୍ଥାପନ ପାଇଁ ଦୁଇ ଦେଶ ଏକାଠି ହୋଇଛନ୍ତି । ଜମ୍ମୁ କଶ୍ମୀର ଏଲଓସିରେ ଦୁଇ ଦେଶ ମଧ୍ୟରେ ବ୍ରିଗେଡିୟର ସ୍ତରୀୟ ଫ୍ଲାଗ ମିଟିଂ ଅନୁଷ୍ଠିତ ହୋଇଛି । ଜମ୍ମୁ କଶ୍ମୀରର ପୁଞ୍ଚ ଜିଲ୍ଲାରେ ଅସ୍ତ୍ର ବିରତି ଉଲ୍ଲଂଘନକୁ ନେଇ ଏହି ମିଟିଂ ଜାରି ରହିଛି । ଜିଲ୍ଲାର ଚକନ ଦା ବାଗ ଏଲଇସି କ୍ରସିଂ ପଏଣ୍ଟରେ ଦୁଇ ପକ୍ଷର ବ୍ରିଗେଡିୟର ସ୍ତରୀୟ ଅଧିକାରୀମାନେ ସାମିଲ ହୋଇଛନ୍ତି । ୨୦୨୧ରେ ଉଭୟ ରାଷ୍ଟ୍ର ଅସ୍ତ୍ରବିରତି ଘୋଷଣା କରିଥିଲେ । ମାତ୍ର ନିକଟରେ ଏଲଓସିରେ କିଛି ଘଟଣା ଘଟିଥିବା ସାମ୍ନାକୁ ଆସିଥିଲା । ନିକଟରେ ଏଲଓସିରେ କିଛି ଯବାନ ଆହତ ହେବା ସହ ଆଉ ପୁଞ୍ଜ ଓ ରାଜୌରୀ ଜିଲ୍ଲାରେ ଦୁଇଜଣ ଯବାନ ସହିଦ ହୋଇଥିଲେ । ଗତ ୧୧ ତାରିଖରେ ଦୁଇଜଣ ଯବାନଙ୍କ ସମେତ ଜଣେ କ୍ୟାପଟେଲ ଆଇଟି ବିସ୍ଫୋରଣରେ ସହିଦ ହୋଇଥିଲେ