ଆନନ୍ଦପୁର ଓ ଘଷିପୁରାରେ ଟମାଟୋର ଅଭାବୀ ବିକ୍ରି

ଆନନ୍ଦପୁର : ଟମାଟୋ ଦର ଅଚାନକ ହ୍ରାସ ବର୍ତ୍ତମାନ ଚାଷୀଙ୍କ ମେରୁଦଣ୍ଡ ଭାଙ୍ଗିଦେଇଛି । ୧୦ ଦିନ ତଳେ ୨୦୦ ରୁ ୨୫୦ ଟଙ୍କାରେ ବିକ୍ରି ହେଉଥିବା ଟମାଟୋ ଟ୍ରେ ଏବେ ମାତ୍ର ୩୦ ଟଙ୍କାରେ ବିକ୍ରି ହେଉଛି । କେଜି ପିଛା ୧ ଟଙ୍କାରେ ବିକ୍ରି ହେଉଥିବାରୁ ଯାହାକୁ ନେଇ ଚିନ୍ତାରେ ଚାଷୀ । କେନ୍ଦୁଝର ଜିଲ୍ଲାର ଆନନ୍ଦପୁର ଓ ଘଷିପୁରା ବ୍ଲକରେ ପାଖାପାଖି ୪୦ରୁ ଉର୍ଦ୍ଧ୍ଵ ଗାଁ ଲୋକେ ଟମୋଟୋ ଚାଷ କରି ପରିବାର ପ୍ରତିପୋଷଣ କରନ୍ତି । ପ୍ରତ୍ୟେକ ଦିନ ଶହ ଶହ ଗାଡ଼ିରେ ଏଠାରୁ ଟମୋଟୋ ରାଜ୍ଯର ବିଭିନ୍ନ ସ୍ଥାନକୁ ଯାଇଥାଏ । ହେଲେ ଦୁଃଖର ବିଷୟ ଏଠାରେ ଶୀତଳଭଣ୍ଡାରଟିଏ ନଥିବାରୁ ଅଭାବୀ ବିକ୍ରିର ଶିକାର ହେଉଛନ୍ତି ଚାଷୀ ।

ଋଣ କରି ହେକ୍ଟର ହେକ୍ଟର ଜମିରେ ଟମାଟୋ ଚାଷ କରିଥିଲେ ଚାଷୀ । ଏବେ ଟମାଟୋ ଦର ହ୍ରାସ ପାଇଥିବାରୁ ଚାଷୀ କିପରି ଧାର କରଜ ସୁଝିବେ ଓ ପରିବାର ପ୍ରତିପୋଷଣ କରିବେ ତାକୁ ନେଇ ଚିନ୍ତାରେ । ଏଭଳି ସ୍ତରରେ ସରକାରୀ ସହାୟତାକୁ ଅପେକ୍ଷା କରିଛନ୍ତି ଚାଷୀ । ଆନନ୍ଦପୁର ଅଞ୍ଚଳରେ କେବେ ସରକାର ଶୀତଳଭଣ୍ଡାର ନିର୍ମାଣ କରୁଛନ୍ତି । ଏବଂ ଚାଷୀଙ୍କ ସମସ୍ଯାର ସମାଧାନ ହେଉଛି ତାହା ଉପରେ ସମସ୍ତଙ୍କ ନଜର ରହିଛି ।