ମହାକୁମ୍ଭରେ ଟ୍ରଫିକ୍ ଜାମ୍ ପାଇଁ ରାଗିଲେ ଯୋଗୀ, ୨ ଆଇପିଏସ ଅଧିକାରୀଙ୍କୁ କହିଲେ..

ନନ୍ଦିଘୋଷ ବ୍ୟୁରୋ: ପ୍ରୟାଗରାଜରେ ବୁଡ଼ ପକାଇବା ଲାଗି ଜମୁଛି ଭିଡ଼ । ଯେତେ ନିୟନ୍ତ୍ରଣ କଲେ ମଧ୍ୟ ଦିନକୁ ଦିନ ବଢ଼ିବାରେ ଲାଗିଛଇ ଶ୍ରଦ୍ଧାଳୁଙ୍କ ଭିଡ଼ । ସଙ୍ଗମସ୍ଥଳରେ ଅସମ୍ଭାଳ ଭିଡ଼ ହେଉଛି । ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯିବା ସତ୍ତ୍ବେ ଟ୍ରାଫିକ ବ୍ୟବସ୍ଥା ବିଗୁଡ଼ୁଥିବା ଦେଖିବାକୁ ମିଳୁଛି । ଯାହାକୁ ନେଇ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଗିଥିବା ଦେଖିବାକୁ ମିଳିଛି । ଜଣେ ଡିଜି ଏବଂ ଅନ୍ୟଜଣେ ଆଇଜିଙ୍କ ଉପରେ ରାଗିଥିବା ଖବର ଦେଖିବାକୁ ମିଳିଛି । ଏମାନଙ୍କୁ କହିଥିଲେ କି, ତୁମ ଉପରେ ସବୁ ଦାୟିତ୍ବ ରହିଥିବାବେଳେ କାହିଁକି ଦଳାଚକଟା ହୋଇଥିଲା । ସେପଟେ କିଛି ଉଚ୍ଚପଦସ୍ଥ ଅଧିକାରୀଙ୍କ ଅନୁପସ୍ଥିତିକୁ ନେଇ ମଧ୍ୟ ରାଗି ଯାଇଥିଲେ ମୁଖ୍ୟମନ୍ତ୍ରୀ । ଏପରିକି ସେମାନଙ୍କ ନିଲମ୍ବନ କରିବା ପାଇଁ କହିଥିଲେ । ଏବେ ଦୁଇ-ତିନିଦିନ ହେଲା ସଙ୍ଗମସ୍ଥଳକୁ ଯିବା ପାଇଁ ଶ୍ରଦ୍ଧାଳୁଙ୍କ ଭିଡ଼ ଜମୁଛି । ଏପରିକି ରାସ୍ତାରେ ଗାଡ଼ି ଗୁଡ଼ିକ ଲମ୍ବା ଲାଇନରେ ଲାଗି ରହୁଛି । ଯେଉଁ କାରଣରୁ ମୁଖ୍ୟମନ୍ତ୍ରୀ ଏକ ଉଚ୍ଚସ୍ତରୀୟ ବୈଠକ ଡକାଇଥିଲେ । ଏବଂ ଏହାର ସମାଧାନ କରିବାକୁ କହିଥିଲେ ।