ହରଭଜନଙ୍କୁ ଗୋଡ଼େଇଲେ ଅଖତର, ସୋସିଆଲ ମିଡିଆରେ ଭିଡିଓ ଭାଇରାଲ

ନନ୍ଦିଘୋଷ ବ୍ୟୁରୋ : ପାକିସ୍ତାନର ପୂର୍ବତନ ଦକ୍ଷ ବୋଲର ଏବଂ ହରଭଜନଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଟ୍ରେଣ୍ଡ କରୁଛି । ଯେଉଁଥିରେ ହରଭଜନଙ୍କୁ ଗୋଡ଼ାଉଛନ୍ତି ଅଖତର । ପରେ ଆସି ବେକକୁ ଧରୁଛନ୍ତି ଆଉ ମଜା କରୁଛନ୍ତି । ଏଭଳି ଏକ ଭିଡିଓ ସୋସିଆଲ ମିଡିଆରେ ପୋଷ୍ଟ ହୋଇଥିବାବେଳେ ୟୁଜର୍ସମାନେ ଏହାକୁ ବେଶ ପସନ୍ଦ କରୁଛନ୍ତି । ତେବେ ଏହା ପୂର୍ବରୁ ମଧ୍ୟ ଏମିତି ଉଭୟଙ୍କ ମଜାଳିଆ ଭିଡିଓ ମାନେ ଦେଖିବାକୁ ମିଳିଛି । ଯଦିଓ ମଇଦାନରେ ଏହି ମହାନ ଖେଳାଳି ପୂର୍ବରୁ ଟକରା ଟକରି ହୋଇଛନ୍ତି କିନ୍ତୁ ଫିଲ୍ମ ବାହାରେ ସେମାନେ ଏଭଳି ମଜା କରୁଥିବା ଦେଖିବାକୁ ମିଳିଥାଏ ।

https://www.instagram.com/reel/DFa3jQzz3Ok/?utm_source=ig_embed&ig_rid=f2e1d9fb-6cb8-4fa8-afb7-e5a7c5d5739c

ଏକଦା ଏସିଆ କପରେ ହରଭଜନ ଏକ ବିଶାଳ ଛକା ମାରି ପାକିସ୍ତାନକୁ ପରାସ୍ତ କରିଥିଲେ । ଯେଉଁଥିରେ ଭଜି ଛକା ମାରିବା ପରେ ଆଖି ଦେଖାଇଥିଲେ । ଏବଂ ଅଖତର ରାଗି ଯାଇଥିଲେ । ହୋଟେଲକୁ ଆସ ଦେଖା ହେବ ବୋଲି କହିଥିଲେ । ମାତ୍ର ସେମାନଙ୍କ ଦେଖା ମିଳିନଥିଲା । ପରେ ସେମାନଙ୍କ ରାଗ ଶାନ୍ତ ହୋଇଯାଇଥିଲା । ଆଉ ସେମାନଙ୍କ ଦୋସ୍ତି ଆଜି ମଧ୍ୟ ସମାନ ରହିଥିବା ବିଭିନ୍ନ ଟୁର୍ଣ୍ଣାମେଣ୍ଟ ସମୟରେ ଦେଖିବାକୁ ମିଳେ ।

ଚାମ୍ପିୟନ୍ସ ଟ୍ରଫି ପୂର୍ବରୁ ସୋଏବ ଅଖତରକୁ ଏକ ଜବାବ ଦେଇଛନ୍ତି ଦାଦା । ସୌରଭ ଗାଙ୍ଗୁଲି ଏକ ପୋଷ୍ଟରେ ଲେଖିଥିଲେ କି, ୧୯୯୯ରେ ଏକ ଫ୍ରେଣ୍ଡଲି ମ୍ୟାଚ ଅନୁଷ୍ଠିତ ହୋଇଥିଲା । ଯେଉଁଥିରେ ଅଖତର ୧୫୦ ଗତିରେ ବୋଲିଂ କରୁଥିଲେ । ଏଥିରେ ଫ୍ରେଣ୍ଡସିପ କେଉଁଠି ରହିଲା ବୋଲି ମଜାଳିଆ ଢ଼ଙ୍ଗରେ ଲେଖିଥିଲେ । ଯାହାର ଉତ୍ତର ରଖିଛନ୍ତି ଅଖତର । ସେ ଲେଖିଛନ୍ତି କି, ଦାଦା ତୁମ ବିନା ଟିମ ଇଣ୍ଡିଆ ଅସମ୍ପୂର୍ଣ୍ଣ । ତେବେ କହି ରଖୁଛୁ କି, ଫେବୃଆରୀ ୧୯ରୁ ଚାମ୍ପିୟନ୍ସ ଟ୍ରଫି ଅନୁଷ୍ଠିତ ହେଉଥିବାବେଳେ ଭାରତ-ପାକିସ୍ତାନ ମଧ୍ୟରେ ଫେବୃଆରୀ ୨୩ରେ ଖେଳାଯିବ ।