୨୦୨୧ରେ ଆରମ୍ଭ ହେବ ନୋଟାରୀଙ୍କ ପାଇଁ ଅନ୍-ଲାଇନ୍ ରିଟର୍ଣ୍ଣ ଦାଖଲ ବ୍ୟବସ୍ଥା
1 min read
ଭୁବନେଶ୍ୱର: ନୋଟାରୀଙ୍କ ପାଇଁ ଅନ୍ଲାଇନ୍ ରିଟର୍ଣ୍ଣ ଦାଖଲ ବ୍ୟବସ୍ଥା । ଏଣିକି ଅନ୍-ଲାଇନ୍ରେ ବାର୍ଷିକ ରିଟର୍ଣ୍ଣ ଦାଖଲ କରିବେ ନୋଟାରୀ । ୨୦୨୧ରୁ ଏହି ବ୍ୟବସ୍ଥା ଲାଗୁ ନେଇ ଆଇନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ହୋଇଛି ।
ପେପରଲେସ୍ ବ୍ୟବସ୍ଥା ଓ ତଥ୍ୟର ସୁରକ୍ଷା ପାଇଁ ଏଭଳି ପଦକ୍ଷେପ ନେଇଛି ଆଇନ ବିଭାଗ । ଏଥିପାଇଁ କମ୍ ସମୟ ମଧ୍ୟ ଲାଗିବ ।ନୋଟାରୀଙ୍କ ପାଇଁ ବାର୍ଷିକ ରିଟର୍ଣ୍ଣ ବ୍ୟବସ୍ଥାକୁ ଶୃଙ୍ଖଳିତ କରିବା ପାଇଁ ଆଇନ ବିଭାଗ ପକ୍ଷରୁ ଏହି ବ୍ୟବସ୍ଥା କରାଯାଇଛି ।
ରିଟର୍ଣ୍ଣ ଦାଖଲ ପାଇଁ ଆଇନ ବିଭାଗର ଓ୍ୱେବ୍ସାଇଟ୍ରେ ଫର୍ମ ମିଳିବ । ଏନେଇ ସବୁ ଜିଲ୍ଲା ଓ ଦୌରାଜଜ୍ଙ୍କୁ ଆଇନ ବିଭାଗ ଚିଠି ଲେଖିଛି । ସେମାନେ ଆବଶ୍ୟକ ପଦକ୍ଷେପ ନେବା ପାଇଁ ଚିଠିରେ ଉଲ୍ଲେଖ ରହିଛି ।
