ନନ୍ଦିଘୋଷ ବ୍ୟୁରୋ: ବାଙ୍ଗଲାଦେଶ ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଫେରାଇବାକୁ ଭାରତକୁ ଚିଠି ଲେଖିଲା ବାଂଲାଦେଶ। ହେଲେ ଭାରତ ପକ୍ଷରୁ ମିଳିନି କୌଣସି ଉତ୍ତର । ଯଦି ଭାରତ ହସିନାଙ୍କୁ ପ୍ରତ୍ୟାର୍ପଣ ନ କରାଏ ତେବେ ଅନ୍ତର୍ଜାତୀୟ ଏଜେନ୍ସିର ସାହାଯ୍ୟ ନେବାକୁ ଚେତାବନୀ ଦେଲା ବାଙ୍ଗଲାଦେଶ । ଏନେଇ ସୂଚନା ଦେଇଛନ୍ତି ବାଂଲାଦେଶର ଆଇନ ପରାମର୍ଶଦାତା ଆସିଫ ନାଜରୁଲ । ଭାରତ ଏବଂ ବାଂଲାଦେଶ ମଧ୍ୟରେ ଏକ ପ୍ରତ୍ୟାର୍ପଣ ଚୁକ୍ତି ଅଛି । ଯଦି ବାଂଲାଦେଶ ଶେଖ ହସିନାଙ୍କୁ ଫେରାଇ ନଆସନ୍ତି, ତେବେ ଏହା ପ୍ରତ୍ୟାର୍ପଣ ଚୁକ୍ତିନାମାର ସ୍ପଷ୍ଟ ଉଲ୍ଲଂଘନ ହେବ । ଯଦି ଭାରତ ଏହା କରେ ତେବେ ବୈଦେଶୀକ ବ୍ୟାପାର ମନ୍ତ୍ରଣାଳୟ ଅନ୍ତର୍ଜାତୀୟ ସମୁଦାୟ ପାଖରେ ଏହି ପ୍ରସଙ୍ଗ ଉଠାଯିବ ବୋଲି ଧମକ ଦେଇଛି ବାଂଲାଦେଶ।
ଆସିଫ ନଜରୁଲ କହିଛନ୍ତି ଯେ, ଶେଖ ହସିନାଙ୍କୁ ଆଣିବା ପାଇଁ ବୈଦେଶୀକ ବ୍ୟାପାର ମନ୍ତ୍ରଣାଳୟ ଉଦ୍ୟମ କରୁଛି। ରେଡ ଆଲର୍ଟ ଜାରି କରାଯାଇଛି। ଆମେ ସମସ୍ତ ସମ୍ଭାବ୍ୟ ପ୍ରୟାସ କରୁଛୁ | ଶେଖ ହସିନାଙ୍କୁ ଫେରାଇ ଆଣିବା ପାଇଁ ସରକାର ସମସ୍ତ ଉଦ୍ୟମ ଜାରି ରଖିବେ ବୋଲି କହିଛନ୍ତି ଆସିଫ ନାଜରୁଲ।
