ଧରାପଡ଼ିଲା ଠକ ପ୍ରେମିକ: ସୋସିଆଲ ମିଡ଼ିଆରେ ଝିଅଙ୍କୁ ପ୍ରେମ ନିବେଦନ କରି ଲଗାଉଥିଲା ଚୂନ

ବାରିପଦା: ଧରାପଡ଼ିଲା ଠକ ପ୍ରେମିକ । ସୋସିଆଲ ମିଡ଼ିଆରେ ଝିଅଙ୍କୁ ପ୍ରେମ ନିବେଦନ କରି ଲଗାଉଥିଲା ଚୂନ । ବିଶ୍ବାସ ଜନ୍ମାଇ ଲକ୍ଷାଧିକ ଟଙ୍କା ଠକି ମାରୁଥିଲା ଚମ୍ପଟ ମାରୁଥିଲେ। ଯାଜପୁର ଜିଲ୍ଲାର ଜେନାପୁର ଥାନା ରସୁଲପୁର ପଞ୍ଚାୟତର କବାଟବନ୍ଧ ଗାଁର ତ୍ରୈଲୋକ୍ୟ ରଞ୍ଜନ ପାତ୍ରକୁ ଗିରଫ କଲା ପୋଲିସ୍ । ଫେସବୁକ, ଇନଷ୍ଟାଗ୍ରାମ ଜରିଆରେ ଝିଅଙ୍କ ସହ ବନ୍ଧୁତା କରୁଥିଲା । କିଛି ଦିନ ଭାବ ବିନିମୟ ପରେ ସମ୍ପର୍କ ବଢିଲେ କରୁଥିଲା ପ୍ରେମ ନିବେଦନ । ଯୁବତୀ ମାନଙ୍କୁ ମିଛ ପ୍ରେମ ଜାଲରେ ଫସଇ ଲକ୍ଷାଧିକ ଟଙ୍କା ହଡପ କରୁଥିଲା । ତେବେ ମଧୁବନ ଅଞ୍ଚଳର ଜଣେ ଯୁବତୀଙ୍କ ସହ ଏପରି କରି ଲକ୍ଷାଧିକ ଟଙ୍କା ହଡ଼ପ କରିଥିବା ବାରିପଦା ଟାଉନ ଥାନାରେ ଅଭିଯୋଗ ପରେ ପୋଲିସ ଆରମ୍ଭ କରିଥିଲା ତଦନ୍ତ । ଥାନା ଅଧିକାରୀ ସୁମିତ କୁମାର ସୋରେନଙ୍କ ନେତୃତ୍ୱରେ ପୁରୀ ଜିଲ୍ଲାର ବାସେଳିସାହି ଥାନା ହାତୀସାହି ଅଞ୍ଚଳରୁ ଠକ ତ୍ରୈଲୋକ୍ୟଙ୍କୁ କାବୁ କରିଛି ପୋଲିସ୍ । ତଦନ୍ତ ସମୟରେ ଶତାଧିକ ମହିଳାଙ୍କୁ ପ୍ରେମକରି ଟଙ୍କା ଠକି ନେଇଥିବା ଜଣାପଡିଛି ।