ପୁଣି ପନ୍ତ ଆହତ , କେମିତି ଖେଳିବେ ରଣଜୀ ?

ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଓ୍ବିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ଚଳିତ ରଣଜୀ ଟ୍ରଫି ଖେଳିବେ ବୋଲି ଦିଲ୍ଲୀ ପକ୍ଷରୁ କୁହାଯାଇଛି । ମାତ୍ର ଏବେ ଖବର ଆସୁଛି କି, ପନ୍ତ ପୁଣିଥରେ ଆହତ ହୋଇଛନ୍ତି । ସେ ବିଶ୍ରାମ ନେବାକୁ ଡାକ୍ତରଙ୍କ ପକ୍ଷରୁ ପରାମର୍ଶ ଦିଆଯାଇଛି । ଏହାସହ ସେ ଏନସିଏକୁ ଯିବେ ବୋଲି ମଧ୍ୟ ଯୋଜନା କରିଥିଲେ । କିନ୍ତୁ ଏଭଳି ଏକ ସମୟରେ ସେ ରଣଜୀ ଖେଳିବେ କି ନାହିଁ ଏହାକୁ ନେଇ ଉଠିଛି ପ୍ରଶ୍ନବାଚୀ । ଦିଲ୍ଲୀର ସମ୍ଭାବ୍ୟ ଦଳରେ ତାଙ୍କ ନାମ ରହିଛି । ଚଳିତ ମାସ ୨୩ ତାରିଖରୁ ରଣଜୀ ଟ୍ରଫି ଆରମ୍ଭ ହେଉଥିବା ବେଳେ ଦିଲ୍ଲୀ ପ୍ରଥମ ମ୍ୟାଚରେ ସୌରାଷ୍ଟ୍ରକୁ ଭେଟିବ । ତେବେ ୧୦ରୁ ୧୪ ଦିନର ବିଶ୍ରାମ ନେବାକୁ ଡାକ୍ତର କହିଛନ୍ତି । ଏହାପରେ ଏନସିଏକୁ ଯାଇ ରିହାବ କରିବାକୁ ପଡ଼ିବ ।