ବରଗଡ଼ ଧନୁଯାତ୍ରାରୁ ନିଖୋଜ ଯୁବତୀ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର

ବରଗଡ଼: ବିଶ୍ବ ପ୍ରସିଦ୍ଧ ବରଗଡ଼ ଧନୁଯାତ୍ରା ଶେଷ ହୋଇଛି । ହେଲେ ଧନୁଯାତ୍ରାରେ ନିଖୋଜ ହୋଇଥିବା ଜଣେ ଯୁବତୀଙ୍କୁ ନେଇ ଏବେ ଚର୍ଚ୍ଚା । ନିଖୋଜ ଯୁବତୀଙ୍କୁ ୩୦ରୁ ୩୫ ଘଣ୍ଟା ପରେ ଉଦ୍ଧାର କରାଯାଇଛି । ହେଲେ ରକ୍ତାକ୍ତ ଅବସ୍ଥାରେ ।

ସୂଚନାଯୋଗ୍ୟ, ଧନୁଯାତ୍ରା ଦେଖିବାକୁ ଆସିଥିବା ଯୁବତୀ ଜଣଙ୍କ ନିଖୋଜ ହୋଇଯାଇଥିଲେ । ପ୍ରାୟ ୩୫ ଘଣ୍ଟା ପରେ କୁର୍ଲା ଜଙ୍ଗଲରୁ ତାଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରାଯାଇଛି ।

ଯୁବତୀଙ୍କ ମୁଣ୍ଡ ସହ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ରହିଛି । ମୁଣ୍ଡରେ ଆଘାତ ଲାଗିଥିବାରୁ ଯୁବତୀଙ୍କ ମାନସିକ ସ୍ଥିତି ଠିକ୍ ରହୁ ନଥିବା କହିଛନ୍ତି ସମ୍ପର୍କୀୟ । ଅପହରଣ ପରେ ତାଙ୍କୁ ଶାରୀରିକ ନିର୍ଯାତନା ଦିଆଯାଇଛି । ଯୁବତୀଙ୍କ ସ୍ବାସ୍ଥ୍ୟାବସ୍ଥା ଯେମିତି ଅଛି ଏହା ଜଣଙ୍କର କାମ ନୁହେଁ ବୋଲି ସନ୍ଦେହ କରାଯାଉଛି । ଆଉ ସେହି ଦୃଷ୍ଟିରୁ ଯୁବତୀଙ୍କୁ ଗଣ ଦୁଷ୍କର୍ମ କରାଯାଇ ପାରିଥାଏ ବୋଲି ମଧ୍ୟ ସନ୍ଦେହ କରାଯାଉଛି । ନ୍ୟାୟ ପ୍ରଦାନ ଦାବିରେ ପ୍ରଶାସନ ନିକଟରେ ପରିବାର ଲୋକେ ଦାବି କରିଛନ୍ତି ।