ଅଭାବନୀୟ ଘଟଣା: ଟଙ୍କା ପାଇଁ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ଵାମୀ

ସୁନ୍ଦରଗଡ଼: ଟଙ୍କା ପାଇଁ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ଵାମୀ । ଏଭଳି ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ବଣାଇଁ ଥାନା ଅନ୍ତର୍ଗତ ତଳିତା ନିକଟସ୍ଥ କଟାସାହିରେ । ଗୁରୁତର ସ୍ତ୍ରୀ ଭାମା ପାତ୍ରଙ୍କ ବେକ ଓ ମୁଣ୍ଡରେ ଗଭୀର ଆଘାତ ଲାଗିଛି । ତାଙ୍କୁ ରାଉରକେଲା ସ୍ଥାନାନ୍ତର କରାଯାଇଛି  । ସ୍ୱାମୀ ଶଙ୍କର ପାତ୍ର ସ୍ତ୍ରୀ ଭାମାଙ୍କୁ କିଛି ଟଙ୍କା ମାଗିଥିଲେ । ମାତ୍ର ସ୍ତ୍ରୀ ଭାମା ପାତ୍ର ଟଙ୍କା ଦେବାକୁ ମନା କରିବାରୁ ପାଖରେ ଥିବା ଏକ ଟାଙ୍ଗିଆରେ ଶଙ୍କର ପ୍ରଥମେ ଭାମାଙ୍କ ମୁଣ୍ଡକୁ ଓ ପରେ ବେକକୁ ହାଣି ପକାଇଥିଲେ । ଗୁରୁତର ଅବସ୍ଥାରେ  ପଡ଼ୋଶୀ ଭାମାଙ୍କୁ ବଣାଇଁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ପରେ ଅବସ୍ଥା ସଙ୍କଟାପନ୍ନ ହେବାରୁ ଭାମାଙ୍କୁ ରାଉରକେଲା ସ୍ଥାନାନ୍ତର କରାଯାଇଛି । ଅଭିଯୁକ୍ତ ସ୍ୱାମୀକୁ ଅଟକ ରଖି ପଚରାଉଚୁରା କରୁଛି ପୋଲିସ ।