ଭୁବନେଶ୍ୱର: କଳିଙ୍ଗରେ କମାଲ କଲା ଟିମ ଇଣ୍ଡିଆ। ନେଦରଲ୍ୟାଣ୍ଡସ୍ ବିପକ୍ଷ ମ୍ୟାଚ୍କୁ ୫-୨ ଗୋଲରେ ଜିତିଲା ଟିମ ଇଣ୍ଡିଆ । ଶକ୍ତିଶାଳୀ ନେଦରଲ୍ୟାଣ୍ଡସ୍କୁ ବଡ଼ ବ୍ୟବଧାନରେ ହରାଇ ବିଶ୍ୱକପ ପରାଜୟର ପ୍ରତିଶୋଧ ନେଇଛି ଇଣ୍ଡିଆ।
କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଗତ ବିଶ୍ୱକପରେ ନେଦରଲ୍ୟାଣ୍ଡସ୍ ଠାରୁ ହାରି ବିଶ୍ୱକପରୁ ବାହାର ହୋଇଯାଇଥିଲା ଆୟୋଜକ ଇଣ୍ଡିଆ। ତାହାର ଆଜି ପ୍ରତିଶୋଧ ନେଇଛି ଟିମ ଇଣ୍ଡିଆ।
ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଏଫ୍ଆଇଏଚ୍ ପ୍ରୋ ଲିଗର ଏହି ମ୍ୟାଚରେ ଭାରତ ନେଦରଲ୍ୟାଣ୍ଡସ୍କୁ ୫-୨ ଗୋଲରେ ପରାସ୍ତ କରିଛି। ମ୍ୟାଚ ଆରମ୍ଭରୁ ଭାରତ ଆକ୍ରମଣାତ୍ମକ ଖେଳ ଆରମ୍ଭ କରିଥିଲା। ମ୍ୟାଚ ଆରମ୍ଭର ମାତ୍ର୧୩ ସେକେଣ୍ଡରେ ଭାରତ ଏକ ଗୋଲ କରିବାରେ ସକ୍ଷମ ହୋଇଥିଲା।
ମନ୍ଦୀପ ସିଂହ ଏହି ଗୋଲ ସ୍କୋର କରିଥିଲେ। ଏହାପରେ ନେଦରଲ୍ୟାଣ୍ଡସ୍ ଖେଳାଳିଙ୍କୁ ଚକମା ଦେଇ ଗୋଟିଏ ପରେ ଗୋଟିଏ ଗୋଲ ସ୍କୋର କରିଥିଲେ ଭାରତୀୟ ଖେଳାଳି। ଆସନ୍ତା କାଲି ପୁଣି ଥରେ ଏହି କଳିଙ୍ଗ ଷ୍ଟାଡିୟମରେ ନେଦରଲ୍ୟାଣ୍ଡ ଓ ଭାରତ ମଧ୍ୟରେ ମୁକାବିଲା ହେବ।
