ରଘୁବର ବିଜେପିରେ ଥିଲେ, ବିଜେପିକୁ ଗଲେ: ପଞ୍ଚାନନ କାନୁନଗୋ

ଭୁବନେଶ୍ବର: ଓଡ଼ିଶା ରାଜ୍ୟପାଳ ଦପରୁ ଇସ୍ତଫା ଦେଇ ପୁଣି ବିଜେପିରେ ମିଶିଥିବା ରଘୁବର ଦାସଙ୍କୁ ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋଙ୍କ ସମାଲୋଚନା । କହିଲେ, ରଘୁବର ଦାସ ତ ବିଜେପିରେ ଥିଲେ, ବିଜେପିକୁ ଗଲେ । ନିଜ ବୋହୂଙ୍କୁ ବିଜେପିରୁ ନିର୍ବାଚନ ଲଢେଇ ପ୍ରଚାର ବି କଲେ । ଓଡ଼ିଶା ଆସିଥିଲେ ବିଜେପି କାମ ପାଇଁ କରିବାକୁ । ବିଜେପିକୁ ଯିବା କିଛି ଆଶ୍ଚର୍ଯ୍ୟଜନକ କଥା ନୁହେଁ । ହେଲେ, ଏହା ସମ୍ବିଧାନ ପାଇଁ ଶୁଭଙ୍କର ନୁହେଁ । ରାଜ୍ୟପାଳ ବିଜେପି ସରକାରଙ୍କ ଏଜେଣ୍ଟ ଭାବେ କାମ କରୁଥିବା ଅଭିଯୋଗରେ ସତ୍ୟତା ରହିଛି ।

ସେହିପରି ସିପିଆଇ ନେତା ନାରାୟଣ ରେଡ୍ଡି ମଧ୍ୟ ରଘୁବର ଦାସଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ଦୁର୍ନୀତିରେ ଛନ୍ଦି ହୋଇଥିଲେ ରଘୁବର ଦାସ । ପରାଜୟ ପରେ ତାଙ୍କୁ ଓଡ଼ିଶା ରାଜ୍ୟପାଳ କରାଗଲା । ତାଙ୍କ ପୁଅ ଓଡ଼ିଆ ଅଫିସରଙ୍କୁ ମାଡ଼ ମାରିଲେ, ହେଲେ ଗିରଫ କରାଗଲାନି । ନିଜ ବୋହୂ ପାଇଁ ନିର୍ବାଚନ ପ୍ରଚାର ବି କଲେ । ଏବେ ପୁଣି ବିଜେପିରେ ମିଶିଲେ । ଏମାନେ ନିଜ ପଦର ସାଧୁତା ରଖି ନାହାନ୍ତି । ଏହା ଗଣତନ୍ତ୍ର ପାଇଁ ଶୁଭଙ୍କର ନୁହେଁ ।