ପାଳ ଗଦାରେ ସ୍କୁଟି ସହିତ ଯୁବକଙ୍କୁ ଜାଳିଦେଲେ

ସୁନ୍ଦରଗଡ଼: ପାଳ ଗଦାରେ ସ୍କୁଟି ସହିତ ଯୁବକଙ୍କୁ ଜାଳିଦେଲେ । ଏଭଳି ଅଭାବନୀୟ ଘଟଣା ଘଟିିଛି ସୁନ୍ଦରଗଡ଼ ଲେଫ୍ରିପଡା ଥାନା ଅଞ୍ଚଳରେ ।  ସର୍ଗିପାଲି ନବୋଦୟ ସ୍କୁଲ ପଛ ପଟୁ ଜଣେ ବ୍ୟକ୍ତିଙ୍କ ଅର୍ଦ୍ଧ ଦଗ୍ଧ ମୃତଦେହ ସହିତ ଜଳିଯାଇଥିବା ସ୍କୁଟି ଉଦ୍ଧାର ହୋଇଛି ।

ସୂଚନା ଅନୁଯାୟୀ, ଏକ ଚାଷ ଜମିରେ ଗଦାହୋଇ ରହିଥିବା ଜଳନ୍ତା ପାଳଗଦାରୁ ମୃତଦେହ ଉଦ୍ଧାର ହୋଇଛି । ସ୍ଥାନୀୟ ଲୋକେ ଦେଖି ପୋଲସିକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅର୍ଦ୍ଧ ଦଗ୍ଧ ମୃତଦେହକୁ ଜବତ କରିଛି । ସ୍କୁଟିଟି ସମ୍ପୂର୍ଣ୍ଣ ଜଳିଯାଇଛି । ବାଇକର ଯନ୍ତ୍ରାଂଶ ଜବତ କରିଛି ପୋଲିସ । ହେଲେ କିଏ କାହିଁକି ଏହିଭଳି ଭାବରେ କାହାକୁ ପାଳ ଗଦା ଭିତରେ ଜଳାଇଲା ତାହା ଏବେ ପୋଲସି ପାଇଁ ଏକ ବଡ଼ ପ୍ରଶ୍ନ ପାଲଟିଛି । ପୋଲିସ ଘଟଣାର ତଦନ୍ତ କରୁଛି ।