ପୁରୀ କ୍ଲକ ରୋଡ ସ୍ଥିତ ଦେବୀ ଫ୍ଲେକ୍ସ ପ୍ରିଣ୍ଟ ଦୋକାନରେ ନିଆଁ

ନନ୍ଦିଘୋଷ ବ୍ୟୁରୋ: ପୁରୀର କ୍ଲକ ରୋଡ ସ୍ଥିତ ଦେବୀ ଫ୍ଲେକ୍ସ ପ୍ରିଣ୍ଟ ଦୋକାନରେ ନିଆଁ । ସର୍ଟସର୍କିଟରୁ ନିଆଁ ଲାଗିଥିବା କୁହାଯାଉଛି । ଅଗ୍ନିକାଣ୍ଡରେ ଜଣେ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି ।  ଫ୍ଲେକ୍ସ କେମିକାଲ ଆଦି ଜଳିବା ଯୋଗୁଁ ସମ୍ପୂର୍ଣ୍ଣ ଅଞ୍ଚଳ ଧୂଆଁମୟ ହୋଇଯାଇଥିଲା । ଗତକାଲି ପୁରୀ ମଙ୍ଗଳାଘାଟ ନିକଟରେ ଏକ ସାବୁନ ଫ୍ୟାକ୍ଟିରିରେ ନିଆଁ ଲାଗିଥିବା ବେଳେ ଆଜି କ୍ଲକ ରୋଡ ନିକଟ ଏକ ଫ୍ଲେକ୍ସ ଦୋକାନରେ ନିଆଁ ଲାଗିଛି । ଅଗ୍ନିକାଣ୍ଡରେ ଅନେକ ଆସବାବପତ୍ର, ଫ୍ଲେକ୍ସ ମେସିନ ସହ ଅନ୍ୟାନ୍ୟ ସାମଗ୍ରୀ ପୋଡି ହୋଇଯାଇଛି । ଆଜି ସକାଳୁ ସକାଳୁ ଏହି ଫ୍ଲେକ୍ସ ଦୋକାନରେ ନିଆଁ ଲାଗିଥିବାର ଦେଖି ଫ୍ଲେକ୍ସ ଦୋକାନ ମାଲିକ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗର ୨ଟି ଟିମ ଘଟଣାସ୍ଥଳକୁ ଆସି ନିଆଁକୁ ଆୟତ୍ତ କରିଥିଲେ । ୨ ଦିନରେ ଦୁଇଟି ଜାଗାରେ ନିଆଁ ଲାଗିବା ହେତୁ ପୁରୀବାସୀଙ୍କ ମନରେ ଭୟର ବାତାବରଣ ସୃଷ୍ଟି ହୋଇଛି ।