ଜାମୁ କାଶ୍ମୀରରେ ଏନକାଉଣ୍ଟର, ୫ ଆତଙ୍କବାଦୀ ନିହତ

ନନ୍ଦିଘୋଷ ବ୍ୟୁରୋ: ଜାମ୍ମମୁ କାଶ୍ମୀର କୁଲଗାମରେ ବଡ଼ଧରଣର ଏନକାଉଣ୍ଟର। ସୁରକ୍ଷାକର୍ମୀଙ୍କ ଗୁଳିରେ ୫ ଆତଙ୍କବାଦୀ ନିହତ ହୋଇଛନ୍ତି। କୁଲଗାମ ଜିଲ୍ଲା ବେହିବାଗ ଥାନା ଅଂଚଳର କଦେର ଗାଁରେ ଏହି ଗୁଳିବିନିମୟ ଚାଲିଛି। ଉଭୟ ପକ୍ଷରୁ ଜୋରଦାର ଗୁଳିବିନିମୟ ହୋଇଥିଲା। ଗୁଳିବିନିମୟରେ ୫ ଆତଙ୍କୀଙ୍କୁ ନିପାତ କରିଛନ୍ତି ଯବାନ। ଗୁଳିବିନିମୟରେ ୨ ଜବାନ ଆହତ ହୋଇଥିବା ଜଣାପଡିଛି।ଏନକାଉଣ୍ଟର ପରେ ସୁରକ୍ଷାକର୍ମୀଙ୍କ ପକ୍ଷରୁ ଜୋରସୋରରେ ସର୍ଚ୍ଚ ଅପରେସନ ଚାଲିଛି। ଅଧିକ ସଂଖ୍ୟକ ଆତଙ୍କୀ ଲୁଚିଥିବା ସନ୍ଦେହରେ ଚାଲିଛି ସର୍ଚ୍ଚ ଅପରେସନ। ବିଶେଷ ଗୁଇନ୍ଦା ସୂଚନା ପାଇଁ ସେନାର ଯବାନଙ୍କ ପକ୍ଷରୁ ଆରମ୍ଭ ହୋଇଥିଲା ଏହି ଆତଙ୍କୀ ନିପାତ ଅପରେସନ। କାଶ୍ମୀର ପୋଲିସ ସହ ଏହି ମିଳିତ ଅପରେସନ ଆରମ୍ଭ ହୋଇଥିଲା। ଆତଙ୍କୀ ଥିବା ନେଇ ଗତିବିଧି ସ୍ପଷ୍ଟ ହେବାପରେ ଅପରେସନ୍ ଆରମ୍ଭ ହୋଇଥିଲା। ସୁରକ୍ଷାକର୍ମୀଙ୍କୁ ଦେଖି ଆତଙ୍କୀ ଆଖିବୁଜା ଗୁଳିମାଡ଼ ଆରମ୍ଭ କରିଥିଲେ।ତେବେ ସେନାର ଯବାନଙ୍କ ପାଲଟା ଗୁଳିମାଡ଼ରେ ୫ ଆତଙ୍କୀ ନିପାତ ହୋଇଛନ୍ତି। ଗତ କିଛି ଦିନ ଧରି ଆତଙ୍କୀ ଗତିବିଧି ପୁଣିଥରେ ଜାମୁ କାଶ୍ମୀରରେ ଆରମ୍ଭ ହୋଇଛି। ଏହାକୁ ନେଇ ସୁରକ୍ଷାକର୍ମୀଙ୍କ ପକ୍ଷରୁ ଆଣ୍ଟି ଟେରର ଅପରେସନକୁ ଜୋରଦାର କରାଯାଇଛି।