ହଜାର ଲିଟରର ବିଷାକ୍ତ ସ୍ପିରିଟ୍ ଜବତ
କଟକ: କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦାକୁ ବଡ଼ ସଫଳତା । ଯାଜପୁର ଜିଲ୍ଲା ପାଣିକୋଇଲି ନିକଟରୁ ଏକ ହଜାରର ଲିଟରରୁ ଅଧିକ ପରିମାଣର ବିଷାକ୍ତ ସ୍ପିରିଟ୍ ଜବତ ହୋଇଛି । ପାଣିକୋଇଲିରୁ ଭୁବନ ଆଡ଼କୁ ଯାଉଥିବାବେଳେ ଏକ ଟାଟା ମ୍ୟାଜିକ୍ ଗାଡ଼ିରୁ ସ୍ପିରିଟ୍ ଜବତ ହୋଇଛି ।
ଜବତ ସ୍ପିରିଟ୍ କୈାଣସି ଏକ ଯାତ୍ରୀବାହୀ ବସରେ କଲିକତାରୁ ଆସିଥିବା ଗୁଇନ୍ଦା ବିଭାଗ ସୂଚନା ଦେଇଛି । ଘଟଣାରେ ଗାଡ଼ି ଡ୍ରାଇଭରକୁ ଗିରଫ କରାଯାଇଥିବା କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଇନସ୍ପେକ୍ଟର ସୂଚନା ଦେଇଛନ୍ତି । ଏହି ଚଢାଉରେ ଯାଜପୁର ରୋଡ଼ ଅବକାରୀ କାର୍ଯ୍ୟାଳୟର ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ । ଏହି ରାକେଟ୍ର ଚେର ଓଡିଶାର ବିଭିନ୍ନ ସ୍ଥାନକୁ ଲମ୍ବିଥିବା ଅନୁମାନ କରାଯାଉଛି । ଖୁବଶୀଘ୍ର ଏହି ରାକେଟକୁ ଠାବ କରାଯିବ ବୋଲି ଗୁଇନ୍ଦା ବିଭାଗ ସୂଚନା ଦେଇଛି ।
