ସମ୍ବିଧାନର ୭୫ ବର୍ଷ ପୂର୍ତ୍ତି ଅବସରରେ ଆଜିଠୁ ରାଜ୍ୟସଭାରେ ବିତର୍କ

ନନ୍ଦିଘୋଷ ବ୍ୟୁରୋ: ସମ୍ବିଧାନର ପ୍ରଣୟନର ୭୫ତମ ବର୍ଷ ପୂର୍ତ୍ତି ଅବସର। ଆଜି ରାଜ୍ୟସଭାରେ ହେବ ଆଲୋଚନା। ବିଭିନ୍ନ ଦଳ ନେତା ଏହି ଅବସରରେ ସେମାନଙ୍କର ବକ୍ତବ୍ୟ ପ୍ରଦାନ କରିବେ। ଆଜି ସକାଳ ୧୧ଟାରୁ ଆରମ୍ଭ ହେବ ସମ୍ବିଧାନ ପ୍ରସଙ୍ଗରେ ଆଲୋଚନା। ଏହି ଆଲୋଚନାରେ ବିଜେପି ନେତା ଜେପି ନଡ୍ଡା, ଗୃହମନ୍ତ୍ରୀ ଅମିତ ଶାହ, ଭୂପେନ୍ଦ୍ର ଯାଦବ, ନିର୍ମଳା ସୀତାରମଣ, ହରଦୀପ ସିଂହ ପୁରୀ, ସୁରେନ୍ଦ୍ର ନଗର, ଘନଶ୍ୟାମ ତିୱାରୀ, ବୃଜଲାଲ ଏବଂ ସୁଧାଂଶୁ ତ୍ରିବେଦୀ ଅଂଶଗ୍ରହଣ କରିବେ। ସମ୍ବିଧାନ ପ୍ରଣୟନର ୭୫ ବର୍ଷ ପୂର୍ତ୍ତି ଅବସରରେ ରାଜ୍ଯସଭାରେ ଏହି ସ୍ଵତନ୍ତ୍ର ଆଲୋଚନା କରାଯିବ।

ଆଜି ଏବଂ ଆସନ୍ତାକାଲି ଦୁଇ ଦିନ ଧରି ଚାଲିବ ଏହି ଆଲୋଚନା। ଏହା ପୂର୍ବରୁ ଲୋକସଭାରେ ମଧ୍ୟ ସମ୍ବିଧାନ ପ୍ରଣୟନ ପ୍ରସଙ୍ଗ ନେଇ ଆଲୋଚନା ହୋଇସାରିଛି। କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧି, ବିରୋଧୀ ଦଳ ନେତା ରାହୁଲ ଗାନ୍ଧି, ସମାଜବାଦୀ ପାର୍ଟିନେତା ଅଖିଳେଶ ଯାଦବଙ୍କ ସମେତ ଅନେକ ନେତା ଏହି ପ୍ରସଙ୍ଗରେ ସେମାନଙ୍କର ଭାଷଣ ରଖିଥିଲେ। ଏହି ଅବସରରେ ପ୍ରଥମ ଭାଷଣ ରଖିଥିଲେ କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧି। ସମ୍ବିଧାନ ଦେଶର ସୁରକ୍ଷା କବଚ ଭାବେ ବିବେଚନା କରି ସରକାରଙ୍କୁ କଡ଼଼ା ସମାଲୋଚନା କରିଥିଲେ।ବିଭିନ୍ନ ଦଳର ନେତାଙ୍କ ବକ୍ତବ୍ୟ ନେଇ ଉତ୍ତର ରଖିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଅବସରରେ ନାଁ ନନେଇ କଂଗ୍ରେସକୁ ଟାର୍ଗେଟ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।