ଆସନ୍ତାକାଲି ଦୈନିକ ଖବର କାଗଜ ‘ସକାଳ’ର ୪ର୍ଥ ସ୍ବନକ୍ଷେତ୍ର, ଦୌଡ଼ିବ ଓଡ଼ିଶା
ଭୁବନେଶ୍ବର: ଆସନ୍ତାକାଲି ଦୌଡିବ ଓଡ଼ିଶା । ଚଳିତମାସ ଏକ ତାରିଖରେ ଲୋକପ୍ରିୟ ଦୈନିକ ଖବର କାଗଜ ‘ସକାଳ’କୁ ପୂରିଛି ୪ ବର୍ଷ । ସତ୍ୟ, ସେବା ଓ ସାମର୍ଥ୍ୟର ୪ ବର୍ଷକୁ ଆସନ୍ତକାଲି ପାଳନ କରିବ ସକାଳ । ଏହି ଚତୁର୍ଥ ସ୍ବନକ୍ଷତ୍ର ଅବସରରେ କାଲି ଭୋରରୁ ଦୌଡ଼ିବ ସାରା ଓଡ଼ିଶା । ଭୁବନେଶ୍ବର, କଟକ ଓ ବ୍ରହ୍ନପୁର ସମେତ ରାଜ୍ୟର ବିଭିନ୍ନ ସହରରେ ଆୟୋଜିତ ହେବ ମିନି ମାରାଥନ ।
ଗଣଦୌଡ଼ରେ ଶହଶହ ଛାତ୍ରଛାତ୍ରୀ, ଯୁବକ, ଯୁବତୀ, ସାଧାରଣ ଲୋକଙ୍କ ସହିତ ସେଲିବ୍ରିଟି ଯୋଗଦେଇ ସଚେତନତା ବାର୍ତ୍ତା ଦେବେ । ମାରାଥନରେ ନେତା ଓ ସେଲିବ୍ରିଟି ମଧ୍ୟ ସାମିଲ ହେବେ । ଭୁବନେଶ୍ବର ଶିଶୁଭବନ ଛକରୁ ଏକାମ୍ର ହାଟ ପର୍ଯ୍ୟନ୍ତ ଦୌଡ଼ିବେ ସମସ୍ତେ । ଏକାମ୍ର ହାଟରେ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଛି ।
ଜରୁରୀ ଓ ସଠିକ୍ ସମାଚାର ଦେବାର ସଂକଳ୍ପ ନେଇ ୨୦୨୦ ମସିହା ଡିସେମ୍ବର ୧ ତାରିଖରେ ଆତ୍ମ ପ୍ରକାଶ କରିଥିଲା ସକାଳ । ନିରବଚ୍ଛିନ୍ନ ଖବର ପ୍ରକାଶ କରି ଖୁବ୍ କମ୍ ସମୟରେ ପାଠକଙ୍କ ଆଦୃତି ଲାଭ କରିବା ସହ ସକାଳ ହୋଇପାରିଛି ସମସ୍ତଙ୍କ ପସନ୍ଦ ।
