ପ୍ରେମ ପାଇଁ ଜୀବନ ହାରିଲେ ଛାତ୍ର !

ପାଟକୁରା : ପ୍ରେମ ପାଇଁ ଜୀବନ ହାରିଲେ ଛାତ୍ର । କେନ୍ଦ୍ରାପଡ଼ା ସ୍ୱୟଂ ଶାସିତ ମହାବିଦ୍ୟାଳୟର ଯୁକ୍ତ-୩ ର ଛାତ୍ର ସୌମ୍ୟ ରଞ୍ଜନ ମଲ୍ଲିକ ଦୁହୁରିଆ ନିକଟସ୍ଥ  ଡେରାବିଶ ବ୍ଲକ ପାଟସାମୁଳାଇ ଅଞ୍ଚଳର ନିର୍ଜନ ସ୍ଥାନରେ ହଠାତ୍ ବିଷ ପିଇ ଅଚେତ ହୋଇପଡ଼ିଥିଲେ । ଖବର ପାଇ ସୌମ୍ୟଙ୍କ ପରିବାର ସଦସ୍ୟ ତାଙ୍କୁ ପ୍ରଥମେ କେନ୍ଦ୍ରାପଡ଼ା ମୁଖ୍ୟ ଚିକିତ୍ସାଳୟ ଓ ପରେ କଟକ ବଡ଼ ମେଡ଼ିକାଲକୁ  ସ୍ଥାନାନ୍ତର କରିଥିଲେ । କିନ୍ତୁ ସ୍ବାସ୍ଥ୍ୟ ଅବସ୍ଥା ରେ କୌଣସି ସୁଧାର ନ ଆସିବାରୁ  ଭୁବନେଶ୍ବରର ଏକ ଘରୋଇ ହସ୍ପିଟାଲ୍ ରେ ଭର୍ତ୍ତି କରାଯାଇଥିଲା । ଦୁଇଦିନ ପରେ ଶେଷରେ ଆଖି ବୁଜିଛନ୍ତି ସୌମ୍ଯ । ଜଣେ ଯୁବତୀଙ୍କ ଭଲ ପାଉଥିଲେ ସୌମ୍ଯ । ତେବେ ପ୍ରେମିକାର ପରିବାର ପକ୍ଷରୁ ତାଙ୍କୁ ଧମକ ମିଳୁଥିବା ପରିବାର ଲୋକେ ଅଭିଯୋଗ କରିଛନ୍ତି । ତେଣୁ ପ୍ରେମରେ ବିଫଳ ହୋଇ ଶେଷରେ ଏପରି ଚରମ ନିଷ୍ପତ୍ତି ନେଇଥିବା କହିଛନ୍ତି ମୃତକଙ୍କ ମାଆ ।