ଆରମ୍ଭ ହେଲା ଡିଜିପି ସମ୍ମିଳନୀ : ଯୋଗଦେଲେ ଅମିତ ଶାହ ଓ ଅଜିତ ଡୋଭାଲ

ଭୁବନେଶ୍ଵର : ଭୁବନେଶ୍ଵରରେ ଆରମ୍ଭ ହେଲା ସର୍ବଭାରତୀୟ ଡିଜିପି ସମ୍ମିଳନୀ। ଯୋଗ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସ୍ଵତନ୍ତ୍ର ବିମାନ ଯୋଗେ ଆସି ପହଞ୍ଚିଥିଲେ କେନ୍ଦ୍ର ଗୃହମନ୍ତ୍ରୀ ଶାହ । ଭୁବନେଶ୍ଵରରେ ପହଞ୍ଚିବାପରେ ସେ ସମ୍ମିଳନୀରେ ଯୋଗ ଦେଇଛନ୍ତି। ଆଜିଠାରୁ ୩ ଦିନ ବ୍ୟାପୀ ଡିଜିପି ସମ୍ମିଳନୀ ଚାଲିବ । ଏଥିରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ, କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ନିତ୍ଯାନନ୍ଦ ରାୟ ପ୍ରମୁଖ ଯୋଗ ଦେଇଛନ୍ତି। ଏହାସହ ସମ୍ମିଳନୀରେ ବିଭିନ୍ନ ରାଜ୍ୟରୁ ଆସିଥିବା ପୋଲିସ ଡିଜି ଓ ଆଇଜି ସାମିଲ ହୋଇଛନ୍ତି। ସମ୍ମିଳନୀରେ ସିବିଆଇ ନିର୍ଦ୍ଦେଶକ, ହାଇଦ୍ରାବାଦ ସ୍ଥିତ ନ୍ୟାସନାଲ ପୋଲିସ ଏକାଡେ଼ମୀ ନିର୍ଦେଶକ ମଧ୍ୟ ସାମିଲ ହୋଇଛନ୍ତି। ଏହା ସହ ବିଭିନ୍ନ ସୁରକ୍ଷା ସଂଗଠନର ମୁଖିଆ ମାନେ ମଧ୍ୟ ଯୋଗ ଦେଇଛନ୍ତି। ସେପଟେ କଡ଼ା ସୁରକ୍ଷା ବଳୟରେ ରହିଛି ଭୁବନେଶ୍ଵର । ଡିଜିପି ସମ୍ମିଳନୀ ଲାଗି ରାଜଧାନୀ ଭୁବନେଶ୍ଵରରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।