ବାଂଲାଦେଶରେ ଜୋର ଜବରଦସ୍ତ ବନ୍ଦ ହେଲା ଇସ୍କନର ଶିବଚର କେନ୍ଦ୍ର
ଢାକା: ଇସ୍କନ ପୂଜାରୀ ଚିନ୍ମୟ କୃଷ୍ଣ ଦାସଙ୍କୁ ଗିରଫ ପରେ ବାଂଲାଦେଶରେ ଇସ୍କନ ଶିବଚର କେନ୍ଦ୍ରକୁ ମୁସଲିମ୍ ମାନେ ଜୋର ଜବରଦସ୍ତ ବନ୍ଦ କରି ଦେଇଛନ୍ତି । ଇସ୍କନ ଶ୍ରଦ୍ଧାଳୁଙ୍କୁ ସେନା ଯବାନ ଗାଡିରେ ବସାଇ ନେଇଯାଇଛନ୍ତି । ଇସ୍କନ କୋଲକତା ଉପାଧ୍ୟକ୍ଷ ସୋସିଆଲ ମିଡିଆ ଏକ୍ସରେ ପୋଷ୍ଟ କରିଛନ୍ତି ଯେ ‘‘ବାଂଲାଦେଶରେ ଶିବଚର ସ୍ଥିତ ଇସ୍କନ ନମହଟ୍ଟା କେନ୍ଦ୍ରକୁ ମୁସଲିମ୍ ମାନେ ଜୋର ଜବରଦସ୍ତ ବନ୍ଦ କରିଦେଇଛନ୍ତି । ସେନା ଆସି ଶ୍ରଦ୍ଧାଳୁଙ୍କୁ ଗୋଟିଏ ଗାଡିରେ ବସାଇ ନେଇ ଯାଇଛି’’ ।
ଏହା ସହ ସେ ଏକ ଭିଡିଓ ମଧ୍ୟ ପୋଷ୍ଟ କରିଛନ୍ତି । ଯେଉଁଥିରେ ସ୍ଥାନୀୟ ଇସଲାମ ସମ୍ପ୍ରଦାୟର ନେତା ଶିବଚରରେ ଇସ୍କନ କେନ୍ଦ୍ରକୁ ବନ୍ଦ କରିବା ପାଇଁ ଦାବି କରିଛନ୍ତି । ସେହିପରି ଆଉ କିଛି ଜଣ ଇସ୍କନ ମନ୍ଦିରର ବୋର୍ଡ ହଟାଇବା କାମରେ ଲାଗିପଡିଥିବା ଭିଡିଓରେ ଦେଖିବାକୁ ମିଳୁଛି ।
ଏହାରି ମଧ୍ୟରେ ଢାକାରେ ସୁପ୍ରିମକୋର୍ଟ ଆଇନଜୀବୀ ଓ ବାଂଲାଦେଶର ଆଟର୍ନି ଜେନେରାଲ ହାଇକୋର୍ଟରେ ଶୁଣାଣି ସମୟରେ ଇସ୍କନକୁ ଧାର୍ମିକ କଟ୍ଟରପନ୍ଥୀ ସଂଗଠନ ଭାବେ ବିବେଚନା କରିଛନ୍ତି । ସରକାର ଘଟଣାକୁ ଗୁରୁତର ସହ ନେଇଛି । ଏହି ସଙ୍ଗଠନ ପଞ୍ଜୀକୃତ ଅଛି ନା ନାହିଁ, ସଙ୍ଗଠନକୁ ପ୍ରତିବନ୍ଧିତ କରାଯିବ ନା ନାହିଁ ସେହିପାଇଁ ସରକାର ନିତିଗତ ନିଷ୍ପତ୍ତି ନେବା ଉଚିତ୍ ବୋଲି ଦାବି ହୋଇଛି ।
